«Nur Otan» halyqtyq-demokratııalyq partııasynyń oblystyq fılıaly «Nur Otan» qoǵamdyq-saıası jýrnalynyń alǵashqy sanynyń tusaýyn kesti.
Partııa fılıaly ǵımaratynda «Táýelsizdik jetistigi – táýelsizdik tarıhy» taqyrybynda ótken jıynda jýrnalıster qaýymy túrli nomınasııalar boıynsha jeńimpaz atandy. Ári osy jaqsy iske de kýá boldy. Partııanyń oblystyq fılıaly tóraǵasynyń birinshi orynbasary Erǵazy Qoshambekov boıaý ıisi burqyraǵan, ádemi bezendirilgen basylymnyń alǵa qoıǵan maqsaty men jospary jaıly áńgimeledi.
Basylymǵa fılıal janynan qurylǵan «Medıa ortalyq» jaýapkershiligi shekteýli seriktestigi demeýshilik kórsetken. Medıa ortalyǵynyń jáne elimizde ashylǵan otandyq «ZhaNaMa-Dos» kompanııasy men «Arinfendin Production» kınokompanııasynyń prezıdenti Narymbek Arınfendın sóılep, jýrnaldyń ǵumyry uzaq bolýy úshin alqa músheleri belsendi, ári shyǵarmashylyqpen eńbek etetindikterin ortaǵa saldy.
Basylymnyń bas redaktory Ermek Shahmet jýrnal táýelsiz el saıasatynyń sara baǵytynyń jetistigi ekenin aıtty. Jýrnal 5000 danamen oqyrman qolyna tıdi.
Kúmisjan BAIJAN,
Almaty oblysy.