Erlik el esinde qalady

Prezıdent Nursultan Nazar­ba­ev­tyń Jarlyǵymen elimizdiń qo­­ǵamdyq qaýipsizdigin qamtamasyz etý bary­­synda ózine tapsyrylǵan mindetti adal atqaryp, beıbit adam­­dardyń ómi­rin qıǵan asa qaýipti lańkes-qyl­mys­­kerdi quryqtaý kezinde erlikpen qaza tapqan ob­lys­tyq IID Jol polısııasy jeke ba­talonynyń 1-shi vzvod komandıri, polısııa kapıtany Ǵazız Ábdi­bek­uly Baıtasovqa «Halyq Qahar­ma­ny» ataǵy berildi. IID Jol polısııasy jeke ba­talony 1-shi vzvodynyń komandıri polısııa kapıtany Ǵazız Baıtasov 1971 jyly 3 sáýirde Jambyl qala­synda dúnıege kelgen. 1978-1988 jyldary Baızaq aýdanyndaǵy Túı­mekent orta mektebinde tálim aldy. 1997 jyly Qaraǵandy polıteh­nı­kalyq ınstıtýtyn, 2002 jyly Ál-Farabı atyndaǵy Qazaq memlekettik ýnıversıtetin bitirgen ol IIO qyzmetin 1992 jyldyń mamyrynan bastaǵan edi. Sodan bergi erjúrek polıseı jol qaýipsizdigi men qo­ǵamdyq tártipti saqtaýǵa 20 jylǵa jýyq ómirin arnaǵan eken. Qyzme­tin óteý barysynda kásibı turǵy­dan bilikti, bilimdi jáne jedel de utqyr sheshimderimen erekshelengen. Osy ýaqyttar aralyǵynda onyń úlgili eńbegi 25 ret atalyp ótse, onyń ishinde 2 jáne 3-dáre­jeli «IIO minsiz qyzmeti úshin» me­daldarymen jáne oblys ákiminiń Maqtaý qaǵazymen marapattalǵan. Sonymen birge otbasynyń tiregi, eki balasynyń ardaqty ákesi bol­dy. Jol polısııasynyń jas qyz­met­kerler býynyna tálimgerlik etip, tájirıbesimen de bólisti. 2011 jyldyń 12 qarashasyn­da­ǵy sýyq habar – oblys turǵynda­ryn ǵana emes, búkil eldi dúr silkindirdi. О́ıtkeni, ózin «jıhadtyń» jolyn ustaýshymyn dep sanaıtyn qylmysker aıdyń-kúnniń amanynda esh jazyǵy joq jeti adamnyń, onyń ishinde ishki ister organda­ry­nyń 3 polıseıi men Ulttyq qaýip­siz­dik komıtetiniń 2 qyzmetkerin mert qylyp jáne úsh qoǵam saq­shy­synyń denesine ja­ra­qat salyp, ómirine qaýip tóndirdi. Osy tula boıdy túrshiktirer oqıǵa kezinde tarazdyq beıbit turǵyn­dar­dyń ómi­rin saqtaý úshin qaraqshy atqan oq keýdesin tesip ótkenine qa­ramastan, jarylys jasaǵan «jı­had­shyny» de­nesimen japqan jol polısııa­synyń kapıtany Ǵazız Baıtasov erlikpen qaza tapty. Er el úshin týady jáne el úshin basyn báıgege tigedi. Qarýly qyl­myskerdi quryqtaý barysynda Ǵ.Baıtasovtan basqa mamandandy­ryl­ǵan kúzet qyzmeti basqarmasy jedel denqoıý vzvodynyń qyzmet­kerleri, polısııa aǵa serjanty Polat Qoıshybaıuly Aıanqulov pen polısııa serjanty Jaqsybek Ap­relbekuly Baıseıitov te erlikpen qaza tapty. Olar ómirleriniń sońǵy sáti soqqansha el aldyndaǵy antyn adal oryndap, erlikpen kóz jumdy. Eshkim de erlikti batyr bolam, tarıhta qalam dep, eseppen jasa­maı­­­dy. Naǵyz adal azamat el ty­nysh­­­­ty­­­ǵyna, beıbit adamdar ómiri­ne qaýip tóngen sátte táýekelge bas tigedi. Mun­­daı sátte erdiń eri, tipti, ara­nyn ash­­qan ajalǵa da taısalmaı qar­­sy tura­­dy. Elbasy Jarlyǵy­men ma­rapat­­tal­ǵan batyr polıseıler, mi­ne, os­­yn­daı naǵyz erler. Olar ar­tynda qalǵan qalyń eli men aıaýly jar­­la­ry, súıikti balalary úshin esh­­qashan umytylmas máńgi erlik jasady. Kósemáli SÁTTIBAIULY, Jambyl oblysy. Sýrette: Jambyl oblystyq IID Jol polısııasy jeke bata­lony 1-shi vzvodynyń komandıri, polısııa kapıtany, marqum Ǵazız Baıtasov.