«Rýhanııat» jáne Kommýnıstik halyq partııalary tirkeldi

Keshe Qazaqstan Respýblıkasynyń Ortalyq saılaý komıssııa­synyń otyrysynda Komıssııa «Rýhanııat» partııasynyń jáne Qazaqstannyń Kommýnıstik halyq partııasynyń partııalyq tizimderin tirkedi. Otyrysta sondaı-aq Ortalyq saılaý komıssııasy Qazaqstannyń «Aq jol» demokratııalyq partııa­sy­nyń partııalyq tiziminen eki kan­dıdatty olardyń Konstıtýsııa men saılaý týraly zań qoıatyn ta­lap­­tarǵa sáıkes kelmeıtini anyq­ta­lýyna baılanysty jáne taǵy bir kandıdatty onyń máslıhat saı­la­ý­yna kandıdat retinde saı­ysqa tú­sý nıetine oraı shyǵaryp tastady. Komıssııa tóraǵasy Qý­an­dyq Tur­ǵanqulovtyń habardar etkenindeı, jalpy alǵanda, Ortsaılaýkom 8 partııanyń 386 kandıdattan tura­tyn partııalyq tizimderin tirkedi. Bir depýtattyq mandatqa shamamen 4 adam báse­ke­lesedi. Tirkelgen kan­dıdattardyń arasynda 12 ulttyń ókili bar. Úmit­kerlerdiń ortasha jasy – 54 jas. Kandıdattardyń 21 paıyzyn áıelder quraıdy. Úmitkerlerdiń 99 paıyzy jo­ǵary bilimdi. Olardyń 35 paıy­zy­nyń zańgerlik nemese ekono­mı­kalyq bilimi bar, 30 paıyzǵa jý­y­ǵy halyq sharýashylyǵynyń túr­li salalarynyń mamandary bo­lyp tabylady. Tirkelgen kandı­dat­tardyń 13 paıyzy tórtinshi sha­qyrylǵan Parlamenttiń depý­tattary. Tórtten biri kommer­sııa­lyq qurylymdardyń qyzmetker­leri, al 12 paıyzǵa jýyǵy memlekettik organdar men mekemelerde, taǵy 16 paıyzdaıy ǵylym, máde­nıet jáne bilim salasynda ju­mys isteıdi. Ortalyq saılaý komıssııasy tóraǵasynyń aıtýynsha, 14 jel­toqsanda Ortsaılaýkom shet memleketter men halyqaralyq uıym­dardyń taǵy 16 baıqaýshysyn tirkedi. Qazirgi sátke deıin barlyǵy 47 halyqaralyq baıqaýshy akkredıttelgen, olardyń 46-sy EQYU/DIAQB mıssııasynyń jáne bireýi TMD baıqaýshylar mıssııasynyń quramyna kiredi. 14 jeltoqsanda máslıhattar de­pýtattyǵyna kandıdattar usy­ný aıaqtaldy. Qazirgi ýaqytta más­lı­hattar depýtattyǵyna 8335 kan­dı­dat usynylǵan. Olardyń ish­inde oblystyq, Astana men Almaty qa­­lalyq máslıhattarǵa – 1392, aýdandyq máslıhattaryna – 5339, qalalyq máslıhattarǵa 1604 kandıdat bar. Keshegi kúnge deıin máslıhattar depýtattyǵyna 5066 kandıdat tirkelgen. Álısultan QULANBAI.