Sheteldik kompanııalar ókilderin qabyldady

Memleket basshysy Nursultan Nazarbaev Qarashyǵanaq jobasy jónindegi Sheteldik kompanııalar konsorsıýmynyń ókilderin qabyldady. Kezdesýge «BıDjı Grýpp» kom­panııasynyń bas atqarýshy dı­rektory Frenk Chapmen, «Shevron» korporasııasy Eýrazııalyq bólimshesiniń basqarýshy dırek­to­ry Skott Devıs, «Lýkoıl» AAQ vıse-prezıdenti Andreı Kýzıaev, «ENI» konserniniń barlaý jáne óńdeý bóliminiń óndiristik bas dırektory Klaýdıo Deskalsı, «BıDjı Grýpp» kompanııasynyń Eýropa men Ortalyq Azııa óńir­leri boıynsha basqarýshy dırek­tory Eshlı Almanza qatysty. – Qazaqstanǵa qosh keldińizder. Sizder biz úshin óte mańyzdy kezde kelip otyrsyzdar. Qazaqstan óz Táýelsizdiginiń 20 jyldyǵyn me­rekeleýde. Premer-Mınıstr maǵan baıandaǵandaı, sizder biz kópten beri jumys júrgizip kele jatqan másele boıynsha kelisimge kelipsizder. Jumys ońaıǵa tús­ken joq. Bizdiń mınıstrlikter, «Samuryq-Qazyna» qory, biz­diń seriktesterimiz – sizder qa­jyrly jumys istedińizder. Men sizderge rızashylyǵymdy bildiremin. Osy jyldar ishinde biz sizdermen birlese jumys istep ke­lemiz, Shetel ınvestorlary ke­ńesinde kezdesemiz. Men sizderge árdaıym qoldan kelgen kómegimdi kórsettim. Qarashyǵanaq jobasy jaqsy damyp keledi. Qazaqstan úshin bul iri munaı jáne gaz ken orny úlken mánge ıe, – dep atap ótti Nursultan Nazarbaev. – Prezıdent myrza, úlken rah­met. Alda kele jatqan Táýe­lsiz­dik kúnine oraı shyn yqylasty quttyqtaýymdy bildirýge rusat etińiz. Sizdiń dana basshyly­ǵy­ńyzben Qazaqstan orasan ju­mys­tar atqardy jáne adam sengisiz tabystarǵa jetti. Sóz joq, Qa­zaqstan Ortalyq Azııada kósh­bas­shy sanalady jáne batys álemi­niń úlken bóligi sizderdiń eko­no­mıkalyq jaǵdaılaryńyzǵa qyzy­ǵa qaraıdy. Siz eldiń odan ári qa­ryshty damýy úshin tamasha tu­ǵyr­nama jasadyńyz, – dedi F.Chap­men. Memleket basshysy sheteldik ınvestorlarǵa «Qazaqstan Res­pýb­lıkasynyń Táýelsizdigine – 20 jyl» merekelik medaldaryn tap­syrdy.