Oıyl agrarlyq kolledjiniń jańa oqý korpýsy men jataqhanasy paıdalanýǵa berildi. Saltanatty sátte sóz alǵan aýdan ákimi Altynbek Ámirǵalıev jınalǵandardy ásem ǵımarattyń ashylýymen tuspa-tus kelip otyrǵan el Táýelsizdiginiń 20 jyldyǵymen quttyqtady. Sondaı-aq ol «Dıplommen – aýylǵa!» baǵdarlamasynyń aıasynda eńbek jolyn osy kolledjde bastaǵan Jáńgir han atyndaǵy Batys Qazaqstan agrarlyq ýnıversıtetiniń túlegi Bıbinur Tólepovaǵa jańa páterdiń kiltin tabystady.
Osy eki nysannyń qurylysyn júrgizgen bas merdiger «VAMEK» JShS dırektory Keńes Álimbaev kolledj dırektory Ǵazız Zaımoldınge ǵımarattyń sımvolıkalyq kiltin tapsyrdy. Odan ári kópshilik ǵımarattyń ishin aralap kórdi. 60 oryndyq jataqhanada stýdentter úshin barlyq jaǵdaı jasalǵan.
Irgetasy 1963 jyly qalanǵan oqý orny buryn negizinen aýylsharýashylyǵynyń jumysshy mamandaryn daıarlaýmen aınalysyp kelgen edi. El Táýelsizdigin alǵan jyldary lıseıge aınalǵan oqý orny ýaqyt aǵymyna ilesip, daıarlaǵan mamandary naryqtyq ekonomıkanyń kóshine erip, bilimin jalǵastyryp, ózderi túlegen búgingi kolledjde izbasarlaryna dáris berip júr. Qazirgi tańda kolledj qabyrǵasynda 273 stýdent bes mamandyq boıynsha bilim alýda. Bıyl lıseıde dene tárbıesi páni muǵalimi fakýlteti ashyldy.
Satybaldy SÁÝIRBAI.
Aqtóbe oblysy.