Jıyrma jyldyqqa – jıyrma shyrsha

Eger sen aldyńa bir jyl­dyq maqsat qoısań – egin ek, Birneshe jylǵa maqsat qoısań – aǵash otyrǵyz, Ǵasyrlarǵa maqsat qoısań – urpaq tárbıesimen aınalys. Osy bir naqyl sózder «Daryndy qyz balalarǵa ar­nal­ǵan qazaq-túrik lıseıinde» ata-analardyń qaty­sýy­men bol­ǵan is-sharanyń mán-ma­ǵynasyn tereń ashyp tur­ǵandaı. Lıseı oqýshy­lary­nyń «Táýelsizdigimizdiń 20 jyldy­ǵyna 20 shyrsha syı­laıyq» degen bastamasyn lıseı dırek­tory Iýnýs Gýnesh qyzý qoldap, ǵımaraty­myz­dyń al­dy­na 20 jas shyrsha kóshetteri otyrǵyzyldy. Bul is-sharany ótkizýde ata-analar da belsendilik tanytty. 20 jyl, 20 shyr­sha sımvolyna saı bo­laıyq dep 20 ata-ana keldi. Esikten kirgennen olar­dyń kóńil-kúıleri óte jo­ǵary ekeni baıqaldy. Sebebi, birneshe jylǵa maqsat qoı­sań, aǵash otyrǵyz naqy­lynyń kókeıge qonǵany sol, balala­ry­nan lıseıge, odan asyp, gúldengen jas el­or­damyzǵa keremet eskertkish qalady. Jáne kórshiles otyrǵan №48 mektep-lıseıdiń búldirshin-jetkinshekteri úzilis ýaqy­tynda oınap, de­malatyn kó­rik­ti orynǵa aınalsa, aýasy­nyń taza bolýy – bári-bári kóńilge qonymdy, zamanǵa saı ári ornymen atqa­rylǵan ju­mys ekeni anyq. Qazaq úshin qaı kezeńde de kıeli másele bolyp qala beretin jaýapty is – bala tárbıesi. Qyzdarymyzdyń bilimdegi jetistikteri aýyz toltyryp aı­tarlyqtaı (2010-2011 oqý jy­ly boıynsha 6 «Altyn belgi» ıegeri, 1 úzdik attestat, Halyq­aralyq pánder olım­pıa­da­sy­nyń 7 júldegeri, ha­lyqaralyq ǵylymı jobalar jarysynyń 19 júldegeri (9 altyn medal), respýblıkalyq pánder olım­pıa­da­synyń 4 júl­degeri) desek, tárbıe bári­nen bıik turýy kerektigi aıtpasa da túsinikti. Aınala­myzdy kógaldandyrý másele­sin bylaı qoıǵanda, «ata-ana – ustaz – oqýshy» úshtigi birlese otyryp istegen osynaý bir ońdy is-shara qatysqandardyń bárine de erekshe tebirenis pen eńbek rahatyn syılady. Osyndaı oryndy bastamalar jalǵasyn taýyp, mektep pen ata-analar arasyndaǵy baı­lanys úzilmesin. El me­reı­toıy qutty bolsyn! Baqyt AITMÝRZINA. Astana.