Erteń 21 shildeden bastap Astanada qalaishilik avtobýstarda qolma-qol aqshamen tóleıtin jolaýshylar úshin jolaqy 180 teńge bolady. Al elektrondyq kartamen tóleý 90 teńgeni quraıdy, dep habarlaıdy Egemen.kz.
Astana qalasynyń qalamańy qatynastarynda qolma-qol aqshasyz elektrondyq karta arqyly tóleý 1 kılometr úshin 8,0 teńgege teń. Al qalamańy qatynastarynda qolma-qol aqshamen esep aıyrysý 1 kılometr úshin 11,5 teńge bolady. Eger elektrondyq kartany oqıtyn valıdatorlar jumys istemeı tursa, jolaýshylar avtobýsta tegin júrýge quqyly.
Kólik kartasyn paıdalaný kezinde:
- jol aqysyn karta arqyly tólegen kezde 60 mınýt ishinde qala ishilik jáne ekspress- marshrýttarda tegin júrýge bolady;
- qala mańy baǵyttarynda 60 mınýt aralyǵynda tek bir avtobýsty aýystyryp otyrýǵa bolady;
Kólik kartasy tek bir jolaýshynyń jol júrýin júzege asyrýǵa múmkindik beredi. Jol kartasynyń jaramdylyq merzimi 5 jyl. Kepildik merzimi – 2 jyl. Al tolyqtyrylǵan qarjyny «Transportnyı koshelek» arqyly shekteýsiz paıdalanýǵa bolady;
Aqshalaı tólem jasaǵan kezde jolaýshyǵa bir rettik jol júrý bıleti beriledi.
Jolaqy tóleýdiń elektrondy júıesiniń artyqshylyqtary qandaı?- osyǵan uqsas júıelermen salystyrǵanda bul júıe júrý aqysyn qolma-qol aqshamen tikeleı kólik quralynda termınal arqyly júrgizýshige bere otyryp, bir jolǵy jol júrý qujatyn alýǵa múmkindik beredi.
- kólik kartalaryna bir mezgilde birneshe tarıfterdiń júkteý múmkindigi;
- basqa avtobýstarǵa qosymsha aqy tólemeı-aq aýysyp júrýge múmkindik;
Sonymen qatar, EJK-y jol júrý qujattarynyń kelesi túrlerin usynady:
- bir rettik jol júrý qujaty, qaǵaz túrinde bir saparǵa jáne qazirgi ýaqytqa, tek bir kólik quralyna berilgen;
- tolyqtyrýǵa bolatyn kólik kartasy (plastıkalyq) uzaq paıdalaný múmkindigin jáne birneshe tarıf túrlerin júkteýge múmkindik beredi;
- mektep kólik kartasy;
- jeńildikti kólik kartasy;
- kóliktik bılet (jumsaq kelgen, tolyqtyrý múmkindigi qarastyrylmaǵan kólik kartasy shekteýli saparǵa arnalǵan).
Oqýshylar qansha tóleıdi?15 jasqa tolmaǵan balalarǵa arnalǵan ataýly kóliktik kartany paıdalanýshylar úshin jolaqysynyń quny 40 teńgeni quraıdy. Kóliktik kartany mektep oqýshysy ózi oqıtyn oqý ornynan alady.
Kartany rásimdeý úshin mektep oqýshysy týý týraly kýáligin, foto sýretin tapsyrýy kerek. Alǵashynda karta tegin beriledi. Oqýshy mektep kartasyn joǵaltqan jaǵdaıda, onyń basyp shyǵarylýynyń quny 400 teńge bolmaq. Mektep oqýshylaryna arnalǵan karta ataýlylardyń qatarynda. Ony ekinshi tulǵa qoldana almaıdy.
Mektepte kartany rásimdeýge oqýshynyń ata-anasy bas tartsa, oqýshynyń ata-anasy nemese qamqorshysy Qajymuqan, 14 meken-jaıy boıynsha ornalasqan tólem júıeleri departamentine barýy tıis. О́zińizben birge balanyń týý týraly kýáligin, ata-ananyń bireýiniń tólqujatyn, (bala janynda bolmaǵan jaǵdaıda) balanyń 3h4 sýretin alyp kelýi kerek.
Ataýly mektep kartasyn basqa qalalardyń oqýshylary da ala alady. Ol úshin balalar óz ata-analarymen, zańdy ókilderimen birge kartalardy berý pýnktterine kelip, 400 teńge tóleýi kerek.
Ortalyq kassanyń meken-jaıy: Qajymuqan kóshesi 14. Kassanyń jumys rejımi: DS-JM saǵat 9:00-den 18:00-ge deıin úzilissiz.
О́z atyna jazylǵan jeńildik kartasy kimderge beriledi?О́z atyna jazylǵan kartany «Vedomstvoaralyq áleýmettik tólem esep aıyrysý ortalyǵynda» (VÁTEO) esepte turatyndar – «Azamattarǵa arnalǵan úkimet» Memlekettik korporasııasy» UAQ fılıaly Astana q. boıynsha (Astana q. boıynsha MÁTO) jáne kelesi sanatqa jatatyndar alady:
Jas boıynsha zeınetkerler jáne qyzmet ótkergen jyldar, sonymen qatar jasyna baılanysty memlekettik áleýmettik járdemaqy alatyndar jáne asyraýshysynan aıyrylǵandar, zeınet jasyna jetkender; kópbalaly analar; kópbalaly otbasylar; múgedekter; 18 jasqa deıingi múgedek balalar; onyń ishinde ata-analarynyń biri (zańdy ókili); Uly Otan soǵysy múgedekteri men qatysýshylary jáne soǵan teńestirilgender.
Jeńildik transport kartasyn tek «Vedomstvoaralyq áleýmettik tólem esep aıyrysý ortalyǵynda» (VÁTEO) – «Azamattarǵa arnalǵan úkimet» Memlekettik korporasııasy» UAQ fılıaly Astana q. boıynsha (Astana q. boıynsha MÁTO) esepte turatyndar alady.
Baılanys-ortalyǵyna habarlasyp (tel. 574-777), operatorǵa ózińizdiń JSN aıtyńyz. Operator sizdiń málimetterińizdi VÁTEO bar-joǵyn tekseredi.
Eger málimetińiz bazada bar bolsa, Siz kartany alýdyń eki túrli ádisine ótinish bere alasyz.
1 Nusqa: www.alrt.kz nemese www.transcard.kz saıtyna onlaın-ótinish qaldyryńyz. 5 jumys kúni ishinde Sizge elektrondy poshtańyzǵa ótinishtiń statýsy týraly habarlama kelip túsedi. Daıyn bolǵan jeńildik kartasyn alý úshin Ortalyq kassaǵa barýyńyz qajet.
2 Nusqa: Ortalyq kassaǵa tikeleı baryńyz jáne anketany toltyryńyz. О́zińizben birge jeke tólqujatyńyzdy jáne zeınetkerlik qujatyńyzdy ala barasyz. Ortalyq kassanyń meken-jaıy: Qajymuqan k, 14 úı. Kassanyń jumys ýaqyty: Ds-Jm saǵat 9.00-den 18.00 úzilissiz.
Jeńildik transport kartasy jeke atyńyzda bolady jáne ekinshi tulǵaǵa paıdalanýǵa berilmeıdi. Jeńildik transport kartasy qalalyq jáne ekspress baǵyttaǵy marshrýttar úshin toltyrýdy qajet etpeıdi jáne júrý sany boıynsha shekteý joq. Jeńildik sanaty bar azamattar tegin júrgenine qaramastan, kartalarynda jol júrý bolmasa da olar avtobýstyń salonyna kirgen kezde transport kartasyn valıdatorǵa jaqyndatyp, tirketýi tıis.
Qansha jol júrgenińizdi mindetti tirkeýdiń qajettiligi mynada:
1. Sýbsıdııany durys esepteý úshin. Qala ákimdigi jeńildik sanatyndaǵy azamattardy tasymaldaıtyn (avtoparkter) tasymaldaýshylardyń shyǵynyn ishinara óteıdi. EJTJ jáne valıdatorlardyń arqasynda qansha jolaýshy tasymaldaǵany nemese basqa avtoparkterdiń tasymaldaǵany týraly naqty esep qoljetimdi bolady. Bul ákimdiktiń avtoparkterge aýdarylatyn qarjyny jol júrýshilerdiń sanyna qarap naqty eseptep shyǵýǵa múmkindik beredi.
2. Mindetti valıdasııa jolaýshylar aǵymyna taldaý jasaýǵa naqty kómek beredi. Osy taldaýdyń negizinde marshrýttardyń jelisi jaqsarýda: jańa baǵyttar qosylyp, ózgerýde, suranysy kóp baǵyttardyń júktemesine baǵyttalǵan júmystar júrgizilýde.