Endi tegin Smart Astana mobıldi qosymshasynyń kómegimen onlaın rejıminde astanalyq jumys berýshiler usynǵan bos oryndardy tańdaý múmkin boldy, dep habarlaıdy elorda ákimdiginiń resmı saıty.
Smart Astana tegin mobıldi qosymshasy onlaın rejımde bir mezette birneshe operasııany júzege asyrýǵa múmkindik beredi. Qalalyq jumyspen qamtý jáne áleýmettik qorǵaý basqarmasynyń málimetinshe, mobıldi qosymshada usynylǵan 10 aıdarda qyzmettiń 70-ten astam túri qoljetimdi. Budan bylaı atalmysh qosymsha arqyly elordadaǵy bos jumys oryndaryn tabýǵa bolady. Baǵdarlama enbek.kz elektrondy portalymen baılanysta jumys isteıdi. О́zekti degen bos jumys oryndary munda da kúndelikti jańartylyp turady.
Aıta keteıik, Smart Astana qosymshasy Apple Store jáne Play Market-te qoljetimdi. Osy ýaqytqa deıin qosymshany 120 000 adam júktep alǵan.