Kásipker quqyǵy laıyqty qorǵalýy tıis

Aldymen Sybaılas jemqor­lyqqa qarsy saıasat departa­mentiniń dırektory Danııar Sa­byrbaev sóz alyp, agenttik bas­tamasymen maýsym aıynan bas­tap «Protecting business and investments» ınvestorlardy qorǵaý jobasynyń júzege asyryla bastaǵanyn jetkizdi. Onyń aıtýynsha, búginde jemqorlyqtan qorǵaý maqsatynda otandyq jáne sheteldik 56 ınvest-joba tikeleı agenttik qamqorlyǵyna alynǵan. Olardyń qarjy portfeli 2 trln 875 mlrd teńgeni quraıdy. Joba qyzmetin bastaǵan qysqa ýaqyt ishinde kásipkerlerden 26 aryz túsip úlgergen kórinedi. Júrgizilgen tekseristerdiń 18-i ınvestorlar paıdasyna sheshil­gen. Máselen, Qostanaı oblysyn­da «Zarıa» AQ-tyń zańdyq quqy qorǵalyp, jaıylym jeri  ıesine qaı­tarylǵan. Sonymen birge Arhı­povka aýylynyń 650 turǵy­nynyń quqy qorǵalǵan. Al kom­panııaǵa ákimshilik keder­giler jasaǵan aýyl ákimi qyzme­tinen bosatyldy. Almaty obly­syndaǵy aımaqtyq keńsege aryz aıta kelgen «Empire Food» kompanııasynyń máseleleri de oń sheshildi.

  Bıyl agenttik baspasóz arqyly Bilim jáne ǵylym mınıstrligi qyzmetindegi ishki sybaılas jemqorlyqty saraptaý maqsatynda jumys tobyna qosylýǵa eriktilerdi shaqyrǵan bolatyn. Jumys tobyna ózderiniń osy salada bilimi men tájirıbesi bar ekenin aıǵaqtaıtyn qujattary baryn rastaǵan 45 maman qabyldanyp, olar zertteý aıaqtalǵan soń 1061 usynys daıarlaǵan. Nátıjesinde túrli deńgeıdegi 114 jańa quqyqtyq aktiler qabyldandy. 

Sonymen qatar kvazı­mem­lekettik sektor sýbektilerine agent­tik tarapynan turaqty monı­torıng júrgizilýde. Atap aıtqan­da, «QazAvtoJol» UK» AQ-tyń Shyǵys Qazaqstan oblysyndaǵy fılıalynyń dırektory qyz­metine buryn jemqorlyq qyl­my­sy úshin jaýapkershilikke tar­tylǵan tulǵanyń taǵaıyndalǵany anyqtaldy. Bul málimet qazir tekserilý ústinde. Agenttiktiń jiti na­zarǵa alǵan baǵyttarynyń biri – poıyz bıletteriniń jetispeý­shiligi. Osy oraıda «Qazaqstan temir joly» UK» AQ bazasynda, temir jol tasymaly salasyndaǵy júıeli sybaılas jemqorlyqty joıý, jemqorlyq faktileriniń aldyn alý úshin  tikeleı agenttikke baǵynatyn «Adal jol» keńsesi qurylmaq. Departament basshysy agenttiktiń temir jol bıletteriniń zańdy satylýyna qatysty tekseris júrgizgenin atap ótip, «alyp-satý» ádisi arqyly jolaýshyny bıletsiz kez kelgen óńirge jibere alatyn «kómekshiler» anyqtalǵanyn habarlady. Zańsyz tasymaldaýshylar jolaýshylarǵa temir jol bıletterin naryq baǵasynan 50% qymbatqa satqan.

Strategııalyq ázirleý jáne halyqaralyq baǵdarlamalar depar­ta­mentiniń dırektory Aı­janat Qushtarova Qazaqstannyń Azııa jáne Tynyq muhıty, Azııa damý banki jáne Ekonomıkalyq yntymaqtastyq jáne damý uıy­myna múshe elderdiń sybaılas jemqorlyqqa qarsy bastamasyna múshe ekendigin habarlady. Onyń aıtýynsha, 6-8 qarashada Astanada osy bastamanyń sybaılas jemqorlyqqa qarsy mádenıetti damytý týraly jınalysy ótpek. Sharaǵa 70-ten astam sheteldik mamandar qatysady dep kútilýde. Sonymen birge BUU-nyń esirtki jáne qylmystar boıynsha basqarmasymen tyǵyz qarym-qatynas ornatylǵany týraly qysqasha málimet bere ketti. 

Brıfıng barysynda sóz alǵan Memlekettik qyzmet depar­tamentiniń dırektory Jar­qyn Tileýkenov memlekettik qyz­mettiń tartymdylyǵy artqanyn jetkizdi. Onyń aıtýynsha, bıyl 2694 memlekettik qyzmetker man­sap jolynda ósýge qol jetkiz­gen. Bul ótken jylǵy kórset­kishpen salystyrǵanda 63 prosentke joǵary. Ashyq baıqaý negizinde iriktelgen memlekettik qyzmetkerler sany 42 %-ke artyp, jergilikti jerlerde kadr turaqsyzdyǵy azaıǵan. 

Brıfıngti qorytyndylaǵan agenttiktiń resmı ókili Nur­lan Jahın sońǵy eki aptada qo­ǵamdy shýlatqan sybaılas jemqorlyq qylmystary fakti­lerine toqtalyp, sondaı-aq agenttik tóraǵasy Alık Shpek­baev ulttyq bıýronyń 8 aımaq­tyq departamentiniń basshylaryn rotasııalaý týraly sheshim qa­byldaǵanyn málimdedi. Onyń aıtýynsha, rotasııa óz laýazym­darynda 2 jyldan 4 jylǵa deıingi aralyqta jumys atqarǵan Almaty qalasy, Atyraý, Shyǵys Qazaqstan, Jambyl, Qostanaı, Qyzylorda, Pavlodar jáne Soltústik Qazaqstan oblystary boıynsha departament basshylaryna qoldanylǵan.

Venera TÚGELBAI, «Egemen Qazaqstan»