Taıaýda Almatydaǵy Týrızm jəne sport akademııasynyń aldynda grantqa ótpeı qalǵan talapkerlerdiń ata-analary men jattyqtyrýshylary jınalyp, Bilim jáne ǵylym mınıstrligi ózgertken bapqa narazylyq bildirdi. Olar sporttyq jetistikteri óz aldyna, joǵary jınaǵan baldaryna qaramastan oqýǵa túse almaǵandyqtaryna renish bildirgen.
Grantqa ilikpegen jastardyń kóbi respýblıkalyq sport mektepteriniń túlekteri. Shetelderde top jaryp, halyqaralyq sport báıgelerinde Qazaqstannyń qorjynyna olja salyp júrgen oqýshylar óz eńbekteriniń aqtalmaǵandyǵyn aıtady. Olardyń ishinde bessaıystan jastar arasynda Qazaqstan chempıony, Azııa oıyndarynyń jeńimpazy, Ádil Ibragımov esimdi sportshy da bar. Ádil 114 ball jınaı tura grantqa ilikpegen. Jınalǵan qaýym oqý aqysynyń 500 myń teńgeni quraıtyndyǵyn alǵa tartyp otyr.
Grant máselesine qatysty daýǵa Bilim jáne ǵylym mınıstrligi memlekettik bilim granttary UBT men KT nətıjeleri boıynsha konkýrstyq negizde taǵaıyndalatyndyǵyn aıtady. Mınıstrlik ókilderi málimdegendeı, baldary birdeı bolǵan jaǵdaıda basym quqyq aldymen «Altyn belgi» ıegerlerine beriledi. Odan keıin kəsiptik jəne tehnıkalyq bilimi bar, 1 jyldyq eńbek ótili bar talapkerlerge, úshinshiden, halyqaralyq baıqaýlarda, ǵylymı jobalarda, sporttyq jarystarda júldeli oryndardy ıelengen túlekterge múmkindik berilgen.
«Tórtinshi sanatta múmkindigi shekteýli balalardyń, ata-anasynyń qamqorlyǵynan aıyrylǵan, soǵys ardagerlerine teńestirilgen, jastaıynan múgedek balalarǵa basym quqyq berilgen. Bul tek baldary teń kelgen jaǵdaıda. Bıylǵy ótinishter boıynsha sporttyq jarystardyń júldegerlerinen 210 túlek grant ıelendi», deıdi Joǵary jáne joǵary oqý ornynan keıingi bilim berý basqarmasynyń basshysy Qarlyǵash Shaıahmetqyzy.
Akademııa tabaldyryǵynan taýy shaǵylyp qaıtqandardyń taǵy biri – Lıýdmıla Iаnovıeva. Ol da bessaıystan Azııa chempıony bola tura oqýǵa qujat ótkize almaǵan. «Sportta tókken ashy terimiz ben adal eńbegimiz úshin osy oqý ornynda oqıtyn shyǵarmyz dep oıladyq. Memlekettik grant sany qysqarǵandyqtan, eshqaısymyz oqýǵa qabyldana almadyq. Sport óz aldyna, bilimde de báıge bolatynyn bilemiz. Biraq osy oqý ornynda oqımyz degen armanymyzǵa qol jetkize almaýdamyz», deıdi L.Iаnovıeva.
Sport jáne týrızm akademııasynyń prorektory Muhtar Esqalıevtiń jýrnalısterge bergen málimdemesine súıensek, atalǵan oqý ornyna 1122 talapker-sportshy tirkelgen. Alaıda joǵarǵy jetistikke jetken sportshylardyń 107-si ǵana grantqa ıe bolǵan. Prorektordyń sózinshe, 343 talapkerdiń daıyndyq deńgeıi tómen nemese keıbireýiniń sportqa qatysy joq dep aıtýǵa bolady. «Árıne, bul jaǵdaı sportshylarǵa keri áserin tıgizetini anyq. Grantqa túspeı qalǵandardyń kóbi esimderi elge belgili sportshylar», deıdi akademııa basshylyǵy.
Buǵan deıin halyqaralyq jáne respýblıkalyq jarystardyń jeńimpazdary atanǵan joǵarǵy dárejedegi sportshylardyń jetistikteri oqýǵa túsý barysynda esepke alynyp kelgen bolatyn.
«Bıyl ər óńirdiń jergilikti bilim basqarmasy birneshe mamandyqqa qosymsha granttar bólgen. Iаǵnı memlekettik grantqa ilikpeı qalǵan, biraq qosymsha grantqa ótinish bergen talapkerlerdiń grant utyp alýy əbden múmkin. Oblystardyń jergilikti bilim basqarmalary ər óńirdiń qajettilikteri boıynsha birshama mamandyqtarǵa grant bóldi. Qujattardy qabyldaý 5-10 tamyz aralyǵynda ótti. Al 11-15 tamyz aralyǵynda arnaıy komıssııa jumysy júrgiziledi», deıdi mınıstrlik ókili.
Mıras ASAN,
«Egemen Qazaqstan»