Búgin Premer-Mınıstr Baqytjan Saǵyntaevtyń tóraǵalyǵymen О́ńirlerdi damytýdyń 2020 jylǵa deıingi baǵdarlamasynyń oryndalýy qaralyp, qoldanystaǵy úkimettik baǵdarlamany maqsatty kórsetkishteri men mindetterin ózektendirý arqyly memlekettik baǵdarlama etip qaıta qurý joldary talqylandy, dep habarlady Premer-Mınıstrdiń baspasóz qyzmeti.
2014 jyly qoldanystaǵy salalyq baǵdarlamalardy ońtaılandyrý maqsatynda О́ńirlerdi damytýdyń 2020 jylǵa deıingi biryńǵaı baǵdarlamasy qabyldanǵan bolatyn. Biryńǵaı baǵdarlamaǵa «Aımaqtardy damytý», «Mono-qalalardy damytý», «Aqbulaq», «Turǵyn úı-kommýnaldyq sharýashylyqty jańǵyrtý», «Qoljetimdi baspana–2020», sondaı-aq shaǵyn qalalardy damytý baǵdarlamasynyń jobasy engizilgen edi.
Baǵdarlama elimizdiń utymdy aýmaqtyq uıymyn qalyptastyrý jolymen óńirlerdiń áleýmettik-ekonomıkalyq áleýetin damytý úshin jaǵdaı jasaý, halyq kapıtalyn ekonomıkalyq ósimi joǵary ortalyqtarǵa shoǵyrlandyrýdy kózdeıdi. Baǵdarlama aıasynda halyqtyń qaı aımaqta turatynyna qaramastan, ınfraqurylymdy damytý arqyly tqrǵyndardyń ómir súrý sapasyn arttyrýǵa basa mán berildi.
О́ńirlerdi damytý baǵdarlamasy tórt mindetti sheshýdi kózdeıdi:
ár makroóńirge arnalǵan ınvestısııalyq basymdyqtar, elimizdiń aýmaqtyq damýyn jetildirý, ınjenerlik ınfraqurylymdy jáne turǵyn úı-kommýnaldyq sharýashylyqty jańǵyrtý, halyqty aýyz sýmen jáne sý burý qyzmetterimen tıimdi jáne utymdy qamtamasyz etý.Ulttyq ekonomıka mınıstri T. Súleımenov baǵdarlamanyń barlyq maqsatty ındıkatorlary júzege asyrylyp jatqandyǵyn habarlady.
«2017 jyldyń qorytyndysy boıynsha tórt aglomerasııa halqynyń jalpy sany 2015 jylmen salystarǵanda 460,1 myń adamǵa ósti jáne 6,2 mln adam boljamynda 6,6 mln adamdy qurady. Aglomerasııalar halqy sanynyń qarqyndy ósimi bıyl da baıqalady», — dedi T. Súleımenov.
Ekinshi ındıkator boıynsha — jan basyna shaqqanda negizgi kapıtalǵa salynǵan ınvestısııalar kólemi boıynsha, QR UEM derekterine sáıkes, josparly mánder oryndalýda, olar bólingen qarajat kólemine baılanysty jyl saıyn túzetilýde. Úshinshi ındıkator boıynsha — jylýmen-, elektrmen- jáne gazben jabdyqtaý jelileriniń jańǵyrtylǵan úlesi 2015 jyly respýblıka boıynsha ortasha 4%, 2016 jyly – 2,1%, 2017 jyly – 2,8% qurady. 2017 jyly jylýmen, elektrmen, gazben, sýmen jabdyqtaý jáne sý burýdyń 11 581 km jelileri jańǵyrtyldy jáne salyndy.
Tórtinshi ındıkator — sýmen jabdyqtaýdyń jáne sý burýdyń ortalyqtandyrylǵan jelilerine qoljetimdilik. 2017 jyly qalalarda ortalyqtandyrylǵan sýmen jabdyqtaýǵa qoljetimdilik (90% josparynda) 93,8%-dy qurady, ol 2015 jylǵy mánnen 6,8%-ǵa joǵary. Bul rette aýyldarda 57,4%, ol 2015 jylǵy mánnen 3,5%-ǵa joǵary. Sonymen qatar, aýyl halqynyń ortalyqtandyrylǵan sýmen jabdyqtaýmen qamtamasyz etilýi 2017 jyldyń qorytyndysy boıynsha 80,7%-dy quraıdy. Qalalarda ortalyqtandyrylǵan sý burýǵa qoljetimdilik 88%-dy qurady, ol 2015 jylǵy mánnen 6%-ǵa joǵary. Aýyldarda – 11,5%, ol 2015 jylǵy mánnen 0,5%-ǵa joǵary.
«Kúrdeli jóndeýdi talap etetin kondomınıým obektileriniń úlesin azaıtý jumystary júrgizilýde. 2017 jyldyń qorytyndysy boıynsha osy kórsetkish respýblıka boıynsha ortasha 2015 jylmen salystyrǵanda 2% tómendedi jáne 25% qurady. JAO aqparaty negizinde sýmen jabdyqtaý jáne sý burý jelilerin rekonstrýksııalaý jáne salý nátıjesinde qalalyq jelilerdegi sýmen jabdyqtaýdyń apattylyq koeffısıenti 0,35-ke deıin, sý burýda – 0,16-ǵa deıin tómendedi. Qalalarda sý toǵandarynda normatıvtik tazartylǵan aǵyndy sýlardyń úlesi respýblıka boıynsha ortasha 91,1% quraıdy, ol 2015 jylǵy kórsetkishten 10,1%-ǵa joǵary», — dedi ulttyq ekonomıka mınıstri.
T. Súleımenov qoldanystaǵy О́ńirlerdi damytýdyń 2020 jylǵa deıingi úkimettik baǵdarlamasynyń mindetterin, nysanaly ındıkatorlaryn, nátıjeler kórsetkishterin jáne is-sharalaryn ózektilendirýmen Memlekettik baǵdarlama mártebesinde bekitý boıynsha jumystar júrgizilgenin aıtty.
«Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynda Memleket basshysy О́ńirlerdi damytýdyń 2020 jylǵa deıingi baǵdarlamasyna aýyldyq eldi mekenderdi sapaly aýyz sýmen qamtamasyz etý úshin barlyq qarajat kózderinen jyl saıyn keminde 100 mlrd teńge bólýdi kózdeıtin ózgerister men tolyqtyrýlar engizý boıynsha tapsyrma berdi. QR 2025 jylǵa deıingi Strategııalyq damý josparynyń erejelerinen shyǵa otyryp, Memlekettik baǵdarlamanyń maqsaty – basqarylatyn kenttený jáne halyqtyń ómir súrý sapasyn jaqsartý arqyly óńirlerdiń básekege qabilettiligin arttyrý dep anyqtalǵan», — dedi ulttyq ekonomıka mınıstri.
О́zektendirilgen Memlekettik baǵdarlama aıasynda baǵyttar turǵysynan fýnksıonaldyq qalalyq aýdandardy damytý, turǵyn úı-kommýnaldyq sharýashylyq ınfraqurylymyn damytý mindetterin sheshý usynylady.
«Qalalarda jáne aýyldarda halyqty ortalyqtandyrylǵan sýmen jabdyqtaýmen odan ári qamtamasyz etý jumystary odan ári jalǵastyrylatyn bolady. Osylaısha, 2019 jyldyń qorytyndysy boıynsha qalalarda ortalyqtandyrylǵan sýmen jabdyqtaý 97%-dy, al aýyldarda – 62%-dy quraıtyn bolady. Memleket basshysynyń tapsyrmasy aıasynda Memlekettik baǵdarlama jobasynda shyǵystar aýyldyq sýmen jabdyqtaý júıelerin damytýǵa 100 mlrd teńgege deıin jetkizilgen. Sondaı-aq halyqty sýmen qamtamasyz etýdiń utymdy jáne tıimdi joldaryna ótýmen sýmen jabdyqtaý júıelerin damytýdyń tetigi kúsheıtildi. Turǵyn úı kommýnaldyq sharýashylyqty jańǵyrtý jumystary jalǵastyrylatyn bolady», — dep túıindedi T. Súleımenov.