Qazaqstan EQYU qurylymdarynyń jaýapkershiliktiń barlyq aımaǵy boıynsha biryńǵaı ornalasýyn qoldaıdy jáne Uıym qyzmetiniń tıimdiligin arttyratyn jańa dalalyq mıssııalardyń jańa formatyna kóshýge shaqyrady. Bul týraly Qazaqstan Respýblıkasynyń Syrtqy ister mınıstri Qaırat Ábdirahmanov «EQYU-nyń Qazaqstan Respýblıkasyndaǵy 20 jyly: yntymaqtastyq jáne jetistikter» halyqaralyq konferensııasynda sóılegen sózinde málimdedi. Al Qazaqstan Respýblıkasy Tuńǵysh Prezıdenti - Elbasy kitaphanasy jáne EQYU-nyń Astanadaǵy Baǵdarlamalar keńsesi osy is-sharanyń basty uıymdastyrýshylary boldy.
Is-shara barysynda memlekettik organdardyń, EQYU hatshylyǵynyń, dıplomatııalyq korpýstyń, azamattyq qoǵamnyń, sarapshylar men akademııalyq toptardyń ókilderi EQYU-nyń Qazaqstan Respýblıkasyndaǵy 20 jyldyq qyzmetine qorytyndy jasady, sondaı-aq Qazaqstan men Uıymnyń arasyndaǵy yntymaqtastyqtyń ahýaly men keleshegin talqylady.
Konferensııany ashqan Qazaqstan Respýblıkasynyń Memlekettik hatshysy Gúlshara Ábdiqalyqova 2010 jyly EQYU-ǵa tóraǵalyq etken jáne 26 jyl boıy onyń jumysyna belsendi atsalysyp kele jatqan memleket retinde bul is-sharanyń Qazaqstan úshin mańyzdy ekeni aıtylǵan Qazaqstan Prezıdenti Nursultan Nazarbaevtyń hatyn konferensııa qatysýshylaryna oqyp berdi.
Hatta bizdiń óńirdegi qaýipsizdiktiń jáne yntymaqtastyqtyń eń ózekti máselelerin ujymdyq sheshýge óz úlesin qosýǵa, EQYU-nyń basty qujattarynyń negizin salǵan qaǵıdattardy ázirleýge jáne is-júzinde qoldanýǵa múmkindik beretin jalpy eýropalyq jáne jalpy eýrazııalyq úderisterge qatysýǵa umtylǵan Qazaqstannyń nıeti týraly aıtylady.
G.Ábdiqalyqova óz kezeginde Qazaqstannyń syrtqy saıasatynyń basym baǵyttarynyń biri bolyp tabylatyn EQYU-men yntymaqtastyqty odan ári nyǵaıtý qajettigin atap ótti. Ol Prezıdent N.Nazarbaevtyń kúsh-jigeriniń arqasynda tabysty ótken 2010 jylǵy EQYU-nyń tarıhı Sammıti nátıjesinde qabyldanǵan Astana mereıtoılyq deklarasııasynyń áli kúnge deıin ózekti erejelerin eske saldy.
Q.Ábdirahmanov óz sózinde memlekettik damýdyń ártúrli salalarynda ozyq tájirıbesi men bilimi bar EQYU mıssııasyn qurý 1998 jyly úlken suranysta jáne óte qajetti bolǵanyn atap ótti. Sol ýaqyttan beri EQYU-nyń Qazaqstandaǵy dalalyq mıssııasy qyzmetiniń evolıýsııasy eldiń damýymen qatar júrdi. Búgingi tańda Qazaqstannyń ekonomıkalyq jáne saıası damýdaǵy jetistikteri respýblıkanyń ózgerip otyrǵan qajettilikteri men basymdyqtaryn eskeretin dalalyq mıssııamen yntymaqtastyqtyń jańa túrin talap etedi.
Yntymaqtastyqtyń osyndaı bolashaq formattyrynyń biri retinde EKSPO ınfraqurylymyna negizinde EQYU-nyń taqyryptyq ortalyǵyn qurý máselesi qarastyrylýda. Onyń basty maqsaty óńirlik jáne halyqaralyq deńgeıde ekonomıkalyq ózara baılanys, tıimdi basqarý, jasyl ekonomıka, apattar qaýpin tómendetý jáne energetıkalyq qaýipsizdik salalarynda úzdik tájirıbelermen almasý bolyp tabylady.
Osy turǵyda Q.Ábdirahmanov «Qazaqstandyqtardyń ál-aýqatynyń ósýi: tabys pen turmys sapasyn arttyrý» Memleket basshysynyń Qazaqstan halqyna arnaǵan jańa Joldaýynda aıtylǵan tranzıttik áleýet pen týrızmdi damytý boıynsha mindetter EQYU-nyń Astanadaǵy Baǵdarlamalar keńsesiniń qyzmeti arqasynda odan ári qoldaý tabatynyn atap ótti. Munyń bári QR men EQYU arasyndaǵy yntymaqtastyqtyń úlken áleýetiniń dáleli bolyp tabylady.
Konferensııanyń negizgi qonaqtarynyń biri EQYU Bas hatshysy Tomas Gremınger Astanada ótken Sammıt búkil EQYU úshin «tarıhı oqıǵa» boldy dep atap ótti. Onyń aıtýynsha, Qazaqstan kún tártibiniń kóptegen máseleleri boıynsha Uıymda kóshbasshylyqty saqtaýda, sondaı-aq Ekonomıkalyq - ekologııalyq komıtetinde tabysty tóraǵalyq etýde.
EQYU Bas hatshysy Prezıdent N.Nazarbaevtyń asa kórnekti bitimgershilik rólin joǵary baǵalady, oǵan medıator retinde qol jetkizgen kóptegen jetistikter kýá bolady. Osyǵan baılanysty T. Gremınger Qazaqstannyń beıbitshilikti saqtaýǵa qosqan úlesin jáne Ortalyq Azııanyń múddelerin ilgeriletý jáne Aýǵanstandaǵy beıbit ómirdi qalpyna keltirý basshylyqqa alynǵan eldiń BUU Qaýipsizdik Keńesindegi qyzmetin atap ótti.
Sonymen birge T. Gremınger EQYU keńistiginde senimdilik pen ózara túsinistikti nyǵaıtýǵa járdemdesetin yntymaqtastyqtyń jańa formattaryna kóshý bastamasyn qoldady.
Budan basqa, EQYU aıasyndaǵy dıalogtyń, ózara baılanystyń jáne kópjaqty yntymaqtastyqtaǵy seriktestiktiń erekshe mańyzy ataldy. Sonymen birge, Bas hatshy EQYU álemde ekonomıkalyq róli artyp kele jatqan azııalyq óńirmen yntymaqtastyqty jandandyrýǵa nıetti ekenin aıtty.
Mártebeli uıymdastyrýshylar, konferensııanyń qatysýshylary men qonaqtary arasynda, Qazaqstan Respýblıkasy Prezıdenti Keńsesiniń basshysy, Qazaqstan Respýblıkasy Tuńǵysh Prezıdenti - Elbasy kitaphanasynyń dırektorynyń ýaqytsha mindetin atqarýshy Mahmud Qasymbekov, QR Parlamenti Májilisiniń depýtaty Qýanysh Sultanov, QR Adam quqyqtary jónindegi ýákil Asqar Shákirov, QR-nyń Aýstrııadaǵy Tótenshe jáne О́kiletti Elshisi Qaırat Sarybaı, sondaı-aq shet elderdiń elshileri men dıplomatııalyq korpýstyń ókilderi boldy.
Konferensııanyń qorytyndylary Astanalyq deklarasııanyń negizin qalaǵan qaǵıdalardyń, EQYU-nyń eń mańyzdy qaǵıdasy retinde anyqtalǵan birtutas jáne bólinbeıtin qaýipsizdiktiń Eýro-Atlantıkalyq jáne Eýrazııalyq qoǵamdastyqty qurýǵa baǵyttalǵan maqsattar men mindetterdiń ózektiligin qaıta rastady.