Senat depýtattary Ǵumar Dúısembaev pen Sársenbaı Eńsegenov jumys babyndaǵy saparymen Atyraý oblysyna barǵan.
Elbasynyń «Qazaqstandyqtardyń ál-aýqatynyń ósýi: Tabys pen turmys sapasyn arttyrý» atty Joldaýyn túsindirý maqsatynda senatorlar Atyraý qalasyndaǵy Bıznes jáne quqyq kolledjiniń ustazdar qaýymymen jáne stýdentterimen kezdesti.
Ǵ.Dúısembaev óz sózinde Joldaýdyń mańyzdy aspektilerine keńinen toqtaldy. Depýtat joǵary bilim berý júıesinde mamandardy daıarlaý men oqý oryndaryndaǵy bilim sapasyna qoıylatyn talaptardyń kúsheıtiletinin atap ótti. Oqý bitirgennen keıin túlekterdiń jumyspen qamtylý kórsetkishi joǵarǵy oqý oryndaryn baǵalaýdyń negizgi sharty bolmaq.