Jastarǵa arnalǵan halyqaralyq forým ótedi

Elbasynyń bıylǵy «Qazaq­standyqtardyń ál-aýqatynyń ósýi: tabys pen turmys sapasyn arttyrý» atty Joldaýynda 2019 jyl – «Jastar jyly» dep bekitilgeni belgili. Sonyń ne­gi­zinde 19-20 qazan kúnderi jas­tar máselesine arnalǵan halyq­aralyq jastar forýmy ótedi.

Elimizde alǵash ret ótke­li jatqan bul forýmdy Par­la­ment ­Májilisi, Qoǵamdyq damý mı­nıs­trligi men Halyq­ty qonys­tandyrý jáne damytý jónindegi Azııa­lyq assosıasııa uıym­dasty­rady. Forým aıasynda jastar­dyń múddeleri men quqyq­ta­ryna arnalǵan ózekti máseleler talqylanbaq. 

Jıynda Májilis Tóraǵasy Nurlan Nyǵmatýlın, Halyqty qonystandyrý jáne damytý jónindegi Azııalyq assosıa­­sııanyń tóraǵasy, Japo­nııa­nyń burynǵy Premer-mı­nıstri Iаsýo Fýkýda, Halyq­tyń qonystanýy jáne damýy jó­nindegi Azııa parlamentshileri forýmynyń (HQDAPF) tóraǵa­sy Kızo Ta­­kemı, Qoǵam­dyq damý mınıstri Darhan Káletaev jáne BUU ókili Iаn Mak Farleın jas­tar máselesine baılanys­ty oı bó­li­setin bolady. Son­­daı-aq álemniń 37 elinen kelgen saıası sarapshylar, 200-den asa memlekettik organdar men halyqaralyq jáne úkimet­tik emes jastar uıymdarynyń ókilderi ózara tájirıbe almasady. 

Jastar máselesin alǵa tartqan Halyqaralyq forým 4 paneldi sessııa boıynsha ótedi. Onyń birinshisinde jastardyń bilim alý múmkindikterin keńeıtý men olardy jumyspen qamtamasyz etý máseleleri talqylanady. Al ekinshi kezekte azamattardyń densaýlyq saqtaý salasyndaǵy túıitkildi máseleleri sóz etiledi. Jastardyń ekonomıkalyq jáne áleýmettik máselelerge to­lyq qatysýy turǵysynda fo­rýmnyń úshinshi sessııasynda aıtylady. Tórtinshi sessııa jahandaný jaǵdaıyndaǵy jas­tardyń múmkindikteri men qaýip-qaterleri sóz bolady. Jas­tar máselesin talqylaýǵa ar­nalǵan bul sessııalar Japonııa, Qyrǵyzstan, Fılıppın, Taıland, Malaızııa, Shrı-Lanka jáne Indonezııa memleketterinen kelgen sarapshylardyń qatysýymen ótedi. Jastarǵa arnalǵan tıisti zańnama negizinde jastardyń ár túrli saladaǵy kedergi keltiretin máselelerin anyqtaý arqyly tıimdi sharalar ázirlenedi. 

Parlament Májilisiniń depýtaty B.Mákenniń aıtýynsha, Halyqaralyq jastar forýmy aıasynda arnaıy deklarasııa qabyldanatyn bolady.  «Forým aıasynda Astana ­deklarasııasy qabyldanady. Forým halyqaralyq deńgeıde ótetin bolǵandyqtan, qabyl­danǵaly otyrǵan deklarasııa tek Qazaqstan jastary­nyń ǵana emes, halyqaralyq deń­geıdegi ár memlekettegi jas­tar­ǵa degen qoldaý bolady dep esep­teımiz. Bul deklarasııa jas­tardyń jan-jaqty damýyna úles qosýy kerek», dedi B.Máken. 

Marjan TILEÝBEK,

«Egemen Qazaqstan»