Eýropa odaǵyna múshe elderde ómir súretin 112,9 mln adam kedeıliktiń az-aq aldynda tur, dep habarlaıdy Eýroodaqtyń «Eýrostat» statıstıkalyq qyzmeti.
2017 jyly Eýroodaq quramyndaǵy úsh el halqynyń úshten birine kedeılený qaýpi tónip turǵan. Olar: Bolgarııa (38,9%), Rýmynııa (35,7%) jáne Grekııa (34,8%). Al halqynyń ál-aýqaty jaqsyraq elderdiń ishinde Chehııa kósh bastaǵan. Onyń jalpy halqynyń 12,2% ǵana kedeılený qaýpi bar. Keıingi oryndarǵa Fınlıandııa (15,7%), Slovakııa (16,3%) jáne Nıderlandy (17%) ornalastyrylǵan.
2008-2017 jyldar aralyǵynda Eýropa odaǵynyń ondaǵan elinde kedeılik nemese áleýmettik oqshaýlaný qateri tóngen turǵyndardyń úles mólsheri arta túsken.
Halqynyń basym deni kedeılikte turatyn elderdiń kóshinde Grekııa (2008 jyly 28,1% bolsa, 2017 jyly 34,8% jetken) tur. Keıingi oryndarda Italııa (25,5%-dan 28,9%-ǵa deıin), Ispanııa (23,8%-dan 26,6%-ǵa deıin), Nıderlandy (14,9%-dan 17%-ǵa deıin), Kıpr (23,3%-dan 25,2%-ǵa deıin) jáne Estonııa (21,8%-dan 23,4%-ǵa deıin) keledi. Mundaı sanattaǵy adamdardyń sany anaǵurlym azaıǵan elder de atap ótildi. Olar: Polsha (2008 jyly 30,5% bolsa, 2017 jyly 19,5% azaıǵan), Rýmynııa (44,2%-dan 35,7%-ǵa deıin), Latvııa (34,2%-dan 28,2%-ǵa deıin) jáne Bolgarııa (44,8%-dan 38,9%-ǵa deıin).