QR Prezıdenti N.Nazarbaevtyń Fınlıandııaǵa is-sapary barysynda mashına jasaý salasynda ózara árekettesý jáne yntymaqtasý týraly memorandýmǵa qol qoıyldy.
16 qazanda Qazaqstannyń Mashına jasaýshylar Odaǵy delegasııasy Basqarma tóraǵasy, QR Parlament Májilisiniń depýtaty M.K.Pishembaevtyń basqarýymen Fınlıandııanyń Helsınkı q. bıznes forýmǵa qatysty. Bıznes sapar barysynda Qazaqstannyń Mashına jasaýshylar Odaǵy Nokia kompanııasynyń dırektorlar keńesiniń tóraǵasy – Rısto Sılasmamen kezdesti, ol sonymen qatar Fınlıandııa Federasııasynyń Salalyq Tehnologııalar basqarmasynyń tóraǵasy bolyp tabylady.
Is-shara barysynda Fınlıandııa Federasııasynyń Salalyq Tehnologııalar basqarmasynyń tóraǵasy Rısto Sılasmamen Fınlıandııa jáne Qazaqstannyń mashına jasaý salasyn damytýǵa baǵyttalǵan ekonomıkalyq yntymaqtastyqty damytý maqsatynda memorandýmǵa qol qoıyldy.
Memorandým Fınlıandııa men Qazaqstan Respýblıkasynyń mashına jasaý salasyndaǵy iskerlik yntymaqtastyqty nyǵaıtý jáne eki jaqty qatynastardy keńeıtýge baǵyttalǵan.
Berilgen memorandým bıznestiń jańa uzaq merzimdi ózara tıimdi seriktestik qatynastardy ornatýǵa, sonymen qatar Fınlıandııa jáne Qazaqstannyń mashına jasaý jáne aralas ónerkásip salasyndaǵy kásiporyndar men kásipkerlermen birigip júzege asyrylatyn tıimdiligi joǵary ınnovasııalyq jobalardy iske asyrýǵa jaǵdaı jasaıtyn bolady.