Jaqynda ǵaryshty zertteýge mol ınvestısııalar sala bastaǵan Qytaı ǵarysh álemine jasandy Aı jiberýdi josparlap otyr, dep habarlaıdy Túrkııanyń NTV jańalyq arnasy.
Qytaı ústimizdegi jyly jaryq júıesine jańalyq engizý maqsatynda ǵaryshqa jasandy aı jiberedi. Zertteý nátıjeleri boıynsha, jasandy aı 80 kılometrge deıingi aýmaqty jaryqtandyra alady. Jasandy jaryq qurylǵysy Qytaıdyń ońtústigindegi Chendý qalasyna ornalastyrylady. Chendý Avıasııa bilim jáne tehnologııasy mıkrelektronıka júıesin zertteý ınstıtýtynyń basshysy Vý Chýnfen jobanyń 2020 jyly tolyqtaı júzege asatynyn aıtty. Budan basqa, memlekettiń 2025 jylǵa deıin «Aı observatorııasyn» salý, 2050 jylǵa qaraı Marsqa adam jiberý syndy josparlary bar. Ekonomıkasy kúnnen kúnge qaryshtaı túsken memlekettiń 2016-2020 jyldarǵa arnalǵan «HIII 5 jyldyq jańǵyrý» josparynda ǵarysh máselesin aldyńǵy qatarǵa qoıýy basqa memleketterdiń de qyzyǵýshylyǵyn týdyrýda.
Qytaı Ǵarysh ǵylymy jáne tehnologııa ınstıtýtynyń (CASC) derekterine sáıkes aldaǵy úsh jylda memleket alǵashqy ǵarysh stansııasynyń qurylysyna barynsha nazar aýdaratyn bolady.
«Chjan-4» ǵarysh kemesi jyldyń sońyna deıin aıdyń qarańǵy bóligine qonyp, kelesi jyldan bastap «Chjan-5» ǵarysh kemesi aı betiniń nusqalaryn alyp keledi dep josparlanýda.
Marsty, qara qurdymdy zertteýge bel býǵan memlekettiń budan bólek jahandyq spýtnıkti navıgasııa júıesi baǵdarlamalary da bar.
Esterińizge salsaq, Qytaı 2003 jyly 15 qazanda ǵaryshqa adamsyz zymyran jibergen Keńes úkimeti men AQSh-tan keıingi úshinshi memleket bolatyn.