QR Prezıdent Ákimshiliginiń sektor meńgerýshisi Ǵalym Shoıkın jumys saparynda din salasyndaǵy oblystyq aqparattyq túsindirý tobynyń múshelerimen kezdesti.
Jıyn barysynda din salasyndaǵy jumystardy jetildirý maqsatynda óz oılarymen bólisken sektor meńgerýshisi sońǵy kezde kóp kóterilip júrgen «hıdjap» máselesine baılanysty saýalǵa jaýap berdi.
«Qazaqstanda memlekettik bilim berý jáne tárbıe júıesi de qatań zaıyrly sıpatqa ıe ekenin jáne onyń dinı bilim berý júıesinen ajyratylǵandyǵyn basa aıta ketken jón. Bul jaǵdaıda zaıyrlylyq mektepterde, kolledjder men joǵary oqý oryndarynda jastardyń boıynda belgili bir naqty dinge kózqarasyn qalyptastyrýǵa tyıym salynatynyn bildiredi. Dinı kózqaras qalyptastyrý quqyǵy zań talabyna sáıkes, dinı oqý oryndaryn asha alatyn respýblıkalyq nemese aımaqtyq mártebege ıe dinı birlestikterge ǵana berilgen»,-dedi ol.
Baqtııar TAIJAN,
«Egemen Qazaqstan»
Qyzylorda oblysy