Ázer­baı­jan kompozıtory Qara Qaraevtyń 100 jyl­dy­ǵyna oraı mereıtoılyq konsert ótti

Klassıkalyq mýzyka maı­tal­manynyń ǵasyr toıyna ar­nalǵan aıtýly keshke Astana qalasy ákiminiń orynbasary Ermek Amanshaev, Ázerbaıjan Respýblıkasynyń Qazaqstan­daǵy elshisi Rashad Mammadov, TÚRKSOI halyq­ara­lyq uıy­mynyń bas hatshysy Dúısen Qaseıinov jáne mádenıet pen ónerdiń kórnekti ókil­de­ri qatysty. Astana memle­ket­tik akademııalyq fılar­mo­nııasynyń Sımfonııalyq orkestri Ázerbaıjannan arnaıy shaqyrylǵan qos dırıjer – Mustafa Mehmandarov pen Mýrtýza Bıýlbıýldiń súıemeldeýinde kompozıtor qoltańbasyna tıesili ataq­ty «Láıli-Májnún» poemasynan úzindi, «Jeti sulý» baletinen «Prekrasneıshaıa» jáne «Vals» shyǵarmalaryn, sondaı-aq «Tropoıý groma» ba­letinen №2 sıýıtany talǵam­paz tyńdarman nazaryna usyn­dy. 

Túrki keńistigi qaırat­ker­­leri men aıtýly tulǵa­la­larynyń mereıtoılaryn ataýsyz qaldyrmaıtyn TÚRKSOI halyqaralyq uıymynyń 2018 jyldy Qara Qaraevtyń jy­ly dep jarııalaýy – áýenimen álemdi áldılegen Ázerbaıjan klassıkalyq mýzykasynyń sańlaǵy Qara Qaraevtyń shyǵarmashylyq murasynyń shartarapty shar­lap, Jer sharynyń túk­pir-túkpirin jaılaǵan óner­súıer tyńdarmanǵa rýhanı qýanysh syılaýdyń taptyrmas múmkindigin tartý et­keni sóz­siz. Elorda tórinde ótken aı­týly konsert atalǵan taǵy­lymdy sharanyń bir parasy ǵana. 

Qara Abýlfazoǵly Qa­raev­tyń mýzykalyq murasy mazmun jaǵynan keń aýqymdy jáne janrlyq turǵydan jan-jaqty. Kompozıtor qııa­lyna qanat bitirgen týyndylar mýzyka janrlarynyń barlyǵyn derlik qamtıdy. О́ziniń sanaly shyǵarmashylyq ǵu­my­­rynda sazger 3 opera, dál sondaı esepte balet pen sımfonııa, sondaı-aq kóp­­­tegen taqyryptyq hám baǵdarlamalyq týyn­dylar men kameralyq, as­paptyq orkestrlerge jáne de birneshe spektakl men túrli kınofılm­derge arnap áýen jazdy. Qara Qaraev shyǵarmashylyǵynyń baǵyty men stıli negizinen emo­sııa­naldy jarqyndyq, dra­ma­lyq tereńdik jáne názik lı­rıkany ózara sátti úı­lestire otyryp, sodan ózine ǵana tán dara tynysyn dóp basýymen erekshelenedi. Kom­pozıtordyń áýen álemine den qoıǵan tyńdarman sazger qoltańbasynan áıgili aqyn Nızamı shyǵarmashylyǵynan nár alǵan shabytty da jarqyn shyǵys dástúriniń názik ıirim­derin jazbaı tanıdy. Ol, ásirese áýen ámirshisiniń «Láı­­­li-Májnún», «Jeti sulý» shy­ǵarmalarynyń saz sarynynda aıqyn ańǵarylady. Tipti kompozıtor ómiriniń sońynda jazylǵan týyndy­lar áýezinde de osy qunar saqtalǵan. Iаǵ­nı, Q.Qaraev shyǵarma­shy­ly­ǵy­nyń ne­gizgi tini, óze­gi – ha­­­lyq mýzy­ka­synyń jaý­har­lary.

«Astana» konsert zalynyń tórinde ótken mýzyka keshine jınalǵan ónersúıer qaýym sózben aıtyp jetkizgisiz ǵalamat kúıdi Astana mem­­lekettik akademııalyq fı­lar­­monııasy Sımfonııalyq or­kestriniń oryndaýynda jahandy sazymen terbegen áıgili ázerbaıjan kom­pozı­torynyń talǵampaz tabı­ǵatynan sezinip, bir-aq demmen ótken konsert shymyldyǵyn qımaı japty. Ázerbaıjan áýen áleminiń padıshahy – Qa­ra Qaraevtyń ǵasyr toıy­na ar­nalǵan saltanatty keshtiń ta­ǵylymy men máni de osy bir ǵajaıyp mýzykanyń minsiz mánerimen sheber úılesip, tyń­daýshysyn tylsym syr­dyń tuńǵıyǵyna boılatty.

Nazerke JUMABAI, 

«Egemen Qazaqstan»