2018 jylǵy 28 qazanda Túrkistan oblysyn, Astana jáne Shymkent qalalaryn qospaǵanda, Qazaqstan Respýblıkasynyń 14 óńirinde shyǵyp qalǵan máslıhat depýtattarynyń ornyna saılaý ótti. Saılaý 83 saılaý okrýginde, onyń ishinde 12 oblystyq, 9 qalalyq jáne 62 aýdandyq máslıhattardyń okrýgterinde ótti.
Saılaýǵa 14 oblystyq, 8 qalalyq, 46 aýdandyq, 83 okrýgtik, 326 ýchaskelik saılaý komıssııalary jumyldyrylǵan.
Saılaý naýqany barysynda depýtattyqqa 284 kandıdat usynylyp, olardyń ishinen barlyq deńgeıdegi máslıhattarǵa 252 kandıdat tirkelgen.
7 kandıdatty tirkeýdiń kúshin joıǵannan keıin 245 kandıdat saılaý bıýlletenderine engizildi.
Ortasha básekelestik shamamen 1 depýtattyq mandatqa
3 kandıdattan keledi (2,95), daýys berýshilerdiń sany 69,9%-dy qurady.
Saılanǵan máslıhat depýtattarynyń 66-sy er adam (79,5%), 17-si áıel adam (20,5%).
Saılanǵan máslıhat depýtattarynyń ortasha jasy – 47,4.
Saılaý naýqany respýblıka saılaý zańnamasynyń normalaryna sáıkes ótti.
BAQ-pen jáne qoǵamdyq birlestiktermen ózara is-qımyl jónindegi bólim