Áńgime barysynda taraptar eki el arasynda qandaıda bir saıası nemese ózge sıpattaǵy kelispeýshilikterdiń joq ekenin atap ótip, saıası, saýda-ekonomıkalyq jáne mádenı-gýmanıtarlyq yntymaqtastyqtyń qazirgi jaǵdaıy men perspektıvalaryn talqylady. Qurylys, energetıka, aýyl sharýashylyǵy jáne týrızm ózara yqpaldastyqtyń perspektıvaly salalary retinde ataldy, dep habarlaıdy Aqordanyń baspasóz qyzmeti.
Memlekettik hatshy Qazaqstan Prezıdentiniń halyqaralyq qaqtyǵystardy retteý isindegi jeke úlesine toqtalyp, «Astana Club» otyrysynyń aıasynda kótergen bastamalary jóninde aıtty.
G.Ábdiqalyqova Albanııa delegasııasyn Qazaqstanda bıznes júrgizýge qolaıly jaǵdaılar jasalǵany, sonymen qatar «Astana» halyqaralyq qarjy ortalyǵy aıasynda yntymaqtastyq ornatý múmkindigi jóninde habardar etti. Memlekettik hatshy elimizdiń Doing Business-2019 reıtıngi boıynsha 28-shi orynda ekenin atap ótti.
Sondaı-aq, Memlekettik hatshy Albanııadan kelgen seriktesterdi Nazarbaev Ýnıversıteti janyndaǵy «Astana Bıznes-Kampýs» ǵylymı parki aýmaǵynda ǵylymı-zertteý ınstıtýtyn ashý jumystaryna atsalysýǵa shaqyrdy.
Kezdesý sońynda Qazaqstan Respýblıkasynyń Memlekettik hatshysy G.Ábdiqalyqova Albanııa Respýblıkasynyń Eýropa isteri jáne syrtqy ister mınıstri D.Býshatıge eki jaqty yntymaqtastyqty odan ári nyǵaıtý jolynda tabys tiledi.