Qaraǵandyda Táýelsizdik kúnine oraı oblys ákimi Erlan Qoshanov Prezıdent Jarlyǵymen marapattalǵan eńbek ardagerleri, jumyskerler, ǵalymdar, pedagogtar, ártister, jattyqtyrýshylar, qoǵam qaıratkerleri, bıznesmender jáne ónerkásip kásiporyndarynyń jetekshilerine memlekettik nagradalardy tabys etti.
III dárejeli «Barys» ordenimen «Qaınar» JShS-niń dırektory Seıitjapar Nyǵmetov nagradtaldy. «Parasat» ordenimen eńbek ardagerleri Jarylqasyn Bıkenov, Saǵadat Dúısebek jáne Arǵyn Nyǵmatýlın marapattaldy.
Sonymen qatar, 14 qaraǵandylyqtyń eńbegi II dárejeli «Dostyk», III dárejeli «Qurmet» jáne «Eńbek Danky» ordenderimen atap ótildi. «Erligi úshin» jáne «Eren eńbegi úshin» medaldarimen 22 adam, Qazaqstan Respýblıkasynyń Qurmet gramotasymen 9 adam marapattaldy.
Marapat ıeleriniń aldynda oblys ákimi Erlan Qoshanov quttyqtaý sóz sóıledi.
– Biz elimizben birge ósip, órkendep kelemiz. Biz jáne memleket úshin kóp nárse tańsyq boldy, kóp nárse jat boldy. Elbasy aıtqandaı, «Biz birlesip kúrdeli joldy ótkerdik: ózimizdi synadyq, táýelsizdigimizdi aldyq, álemge jańa Qazaqstandy ashtyq, ózimizdi birtutas jáne uly halyq retinde tanyttyq». Prezıdentiniń danalyǵy men kóregendiginiń arqasynda Qazaqstan buryńǵy keńes úkimeti keńistiginde óziniń barlyq kórshilerimen memlekettik shekara máselesin sheshken birinshi jáne ázirge jalǵyz ǵana el bolyp tabylady, – dedi óńir basshysy.
Marapattalǵandar Memleket basshylyǵyna elimizde ornaǵan beıbitshilik, turaqtylyq jáne tatýlastyq úshin alǵys aıtty.
Saltanatty jıynnyń sońy merekelik konsertpen túıindeldi.
Qaırat ÁBILDA,
«Egemen Qazaqstan»
Qaraǵandy