Osynyń aldynda ǵana biz 6-10 aqpan aralyǵynda velojarystan «Valensııa Výeltasy» kópkúndigi ótip, sol jarysta «Astana» klýbynyń sapynda kimderdiń óner kórsetetini jaıynda habarlaǵanbyz.
Pıreneı túbegindegi tartys aıaqtalǵannan keıin qazaqstandyq klýb Ońtústik Amerıka qurlyǵyna attanady. Ol jaqta 12-17 aqpan aralyǵynda «Kolýmbııa týry» ótedi. Aıtýly jarystyń tusaýy byltyr kesilgen bolatyn. Tuńǵysh ret uıymdastyrylǵan básekede jergilikti veloshabandozdar shashalaryna shań juqtyrmady. Atap aıtsaq, Ulybrıtanııanyń «Team Sky» klýby sapyndaǵy 22 jastaǵy jas juldyz Egan Bernal bas júldeni oljalasa, Naıro Kıntano men Rıgoberto Ýran syndy saqa sportshylar ekinshi jáne úshinshi oryndy ıelendi.
Ekinshi márte jalaýy jelbiregeli otyrǵan «Kolýmbııa týrynda» «Astana» komandasy sapynda Mıgel Anhel Lopes, Rodrıgo Konteras, Ernando Boorkes, Iаn Hırt, Nıkıta Stalnov jáne Davıde Vılella óner kórsetedi.
Ǵalym SÚLEIMEN,
«Egemen Qazaqstan»