Bıyl jańa formatqa kóshken tennısshilerdiń Devıs kýbogy jarysynyń negizgi fınaldyq saıysyna joldama alǵan komandalar tolyqtaı anyqtaldy.
Aıtýly jarystyń bas júlde úshin 18 komanda talasady. Olardyń tórteýi 2018 jylǵy Devıs kýbogynyń jartylaı fınalyna deıin jetip, úzdik tórtiktiń qatarynan kóringen Horvatııa, Fransııa, AQSh jáne Ispanııa quramalary. 12-si irikteý týrnıriniń jeńimpazdary. Olar – Avstralııa, Belgııa, Germanııa, Gollandııa, Japonııa, Italııa, Kanada, Kolýmbııa, Qazaqstan, Reseı, Serbııa jáne Chılı. Qalǵan ekeýi «ýaıld-kardqa» ıe bolǵan Argentına men Ulybrıtanııanyń tennısshileri.
Jańa erejege saı bul komandalar úsh-úshten alty topqa bólinip, ózara kúsh synasady. Ár toptyń jeńimpazdary men eń jaqsy nátıje kórsetken taǵy eki memlekettiń órenderi shırek fınalǵa joldama alady. Olar eki jekelegen jáne bir juptyq saıysta myqtyny anyqtaıtyn bolady. Odan keıin jartylaı fınal jáne fınal.
Aıtýly týrnır bas-aıaǵy bir apta aralyǵynda aıaqtalýǵa tıis. Naqtyraq aıtsaq, bıylǵy maýsymnyń Devıs kýbogynyń fınaldyq saıysy 18-24 qarasha aralyǵynda Ispanııanyń astanasy – Madrıdte ótedi.
Ǵalym SÚLEIMEN,
«Egemen Qazaqstan»