Ishki ister vıse-mınıstri Iýrıı Ilın Ortalyq kommýnıkasııalar qyzmetinde Astanada bes balanyń ómirin qıyp ketken qaıǵyly oqıǵanyń mán-jaıyn aıtyp berdi.
«О́rt sóndirý kezinde saǵat 2:45-te úıdiń tóbesi opyrylyp tústi. Al 2:50-de bes balanyń múrdesi tabyldy. 3:24-te órt tolyǵymen aýyzdyqtaldy», - dedi Iý.Ilın.
Onyń aıtýynsha, órt týraly xabar túngi saǵat 2:34 mınýtta túsken. Al órt sóndirý qyzmeti 4 shaqyrym shalǵaı jerde ornalasqan. Olar shamamen 7 mınýttyń ishinde oqıǵa ornyna jetken.
«Tergeý organdarynyń aqparatyna sáıkes, balalardyń ákesi - 1984 jyly týǵan azamat. Ol texnıkalyq qyzmet kórsetý stansasynda motorıst bolyp isteıdi. Keshki ýaqytta ol peshti jaǵyp qoıdy. Sol kezde jumys berýshi ony shuǵyl jumysqa shaqyryp alǵan. Sol sebepti ol túngi ýaqytta úıinde bolmady. Al anasy jaýapkershiligi shekteýli seriktestikte bólshektep ólsheýshi bolyp qyzmet atqarady. Ol da túngi aýysymda bolǵan», - dep atap ótti Iý.Ilın.
Aıtýynsha, dalaǵa shyǵatyn murjanyń asbest qaptasy bolmaǵan, sodan aǵash shatyr órttengen. Qazir arnaıy zertxana jumys istep jatyr. Sonyń qorytyndysy boıynsha naqty sebepter belgili bolady.
Aıta keteıik, 4 aqpan kúni túnde Elordanyń Saryarqa aýdanyndaǵy Kóktal-1 turǵyn úı alabynan órt shyqty. О́rtti sóndirý barysynda 2006, 2008, 2014, 2016, 2018 jyly dúnıege kelgen 5 balanyń denesi tabyldy.