«Taraz» fýtbol klýby Túrkııanyń Antalııa qalasyndaǵy oqý-jattyǵý jıynyn aıaqtady. Komanda munda birneshe joldastyq oıyn ótkizgen bolatyn. Sonymen qatar, Antalııada jergilikti tárbıelenýshiler men jańadan kelgen oıynshylardyń múmkindikteri qaraldy.
Joldastyq matchtyń maqsaty – ár oıynshynyń múmkindikterin anyqtaý bolǵandyqtan, munda ár túrli oıyn stılindegi komandalarmen jekpe-jekter ótkizildi. О́z eliniń birinshi dıvızıonyn usynatyn týnıstik «Zıtýnı» komandasymen ótkizilgen match tartysty oıynǵa quryldy. Qazaqstandyq komanda 7:0 esebimen aıqyn jeńiske jetti. Bul oıynda klýb tárbıelenýshisi Abzal Taýbaı erekshe oıynymen eki ret kózge tússe, al oıynshy Dýman Tursynbaı bir gol salyp, el mereıin asyrdy.
Shveısarııalyq Sýperlıgadan eýrokýboktardyń turaqty qatysýshysymen – «Vadýs» komandasymen kelesi oıyn tabandy túrde ótti. Munda qyzyqty jekpe-jekte ekijaqty ótkir sátterimen tarazdyqtar 0:2 esebimen ese jiberip aldy. Keıin rýmyndyq «Germanshtadt» komandasymen de qyzyqty oıyn ótti. Qarsylas óte bilikti komanda, biraq jambyldyqtar olarmen des bermesten eki márte esep berip otyrdy. Birinshi taımda «Taraz» sapynda oınaǵan brazılııalyq Elıvelto bizdiń komandany alǵa shyǵardy. Qarsylastar penaltımen esepti teńestirdi. Ekinshi taım kezeńinde Álisher Súleı tarazdyqtardy 2:1 esebimen alǵa shyǵardy.
Odan keıin 23 jasqa deıingi О́zbekstannyń jastar quramasymen joldastyq oıynnyń birinshi taımynda Gavrııl Kan soqqan goldyń nátıjesinde tarazdyqtar ońaı emes matchta jeńisti qoldan bermeı, esepti 1:0-ge jetkizdi. Sońǵy oıyn ýkraındyq Premer-Lıganyń «Karpaty» (Lvov) klýbyna qarsy ótti. Birinshi taımnan keıin qarsylas komanda 2:0 esebimen jeńiske jetti. Ekinshi taımda Elıvelto bir gol soqqanmen, kóp uzamaı Sýleı penaltıdi júzege asyrmady. О́z kezeginde ýkraındyqtar penaltıden berilgen múmkindikti durys paıdalanyp, úshinshi gol soqty.
Jıyn qorytyndysy boıynsha birqatar oıynshylarmen kelisimshartqa qol qoıyldy. Bul ataqty «Flamengo» mektebiniń tárbıelenýshisi, birneshe jyl boıy eýropalyq komandalarda óner kórsetken 26 jasar brazııalyq Elıvelto bolatyn. Sondaı-aq, komandany sheteldik klýbtarda tájirıbe jınaqtaǵan oıynshylar tolyqtyrdy. Ol 26 jasar Nemanııa Sýbotıch jáne 28 jasar Mıhaılo Iovanovıch. Taǵy bir aıta keterligi, tarazdyqtar úshin grýzııalyq fýtbolshy Lasha Kasradze men qazaqstandyq Rahymjan Rozybakıev óner kórsetetin bolady.
Hamıt ESAMAN,
«Egemen Qazagstan»
Jambyl oblysy