Qarjy mınıstri Álıhan Smaıylov 2019 jylǵy 30 Qańtarda Úkimettiń keńeıtilgen otyrysynda Memleket basshysynyń bergen tapsyrmalaryn iske asyrý boıynsha Qarjy mınıstrligi qabyldaǵan sharalar týraly baıandady.
«Qazaqstan Respýblıkasy men Qytaı Halyq Respýblıkasy arasyndaǵy kedendik statıstıkanyń alshaqtyǵyn tómendetý maqsatynda Qarjy mınıstrligi men QHR Bas keden basqarmasy arasyndaǵy Hattamaǵa aqparat almasý týraly bólimine ózgerister engiziledi. Bul týraly tıisti ýaǵdalastyqqa qol jetkizildi. Qytaı tarapymen «aqyldy qorǵan» pılottyq jobasyn iske asyrý týraly kelisimge keldik. Osy maqsatta Bas keden basqarmasynyń aqparattyq júıesimen «Astana-1» AJ yqpaldastyrý josparlanýda. Bul ımporttaýshylardyń taýarlardy deklarasııalaýynyń durystyǵyn qamtamasyz etedi. Eń bastysy, bul joba kedendik shekaradaǵy sybaılas jemqorlyq kórinisterin aıtarlyqtaı azaıtady» dedi Qarjy mınıstri.
Sondaı-aq ol kedendik baqylaý sheńberinde tekserý is-sharalarynyń kúsheıtilgenin sóz etti.
«2018 jyldyń sońynda Úkimet kóleńkeli ekonomıkaǵa qarsy is - qımyl jónindegi 2019-2021 jyldarǵa arnalǵan jańa is-sharalar josparyn qabyldaǵan bolatyn. Jospar boıynsha kedendik ákimshilendirýdi jaqsartýǵa, kóleńkeli ekonomıkany azaıtýǵa, sondaı-aq bıznesti yntalandyrýǵa jáne shaǵyn jáne orta bıznes sýbektilerin «kóleńkeden» shyǵarý jáne qolma-qol aqshasyz aınalym úlesin ulǵaıtý jónindegi jumysty kúsheıtýge baǵyttalǵan is-sharalar iske asyrylady. Jalpy alǵanda, Qarjy mınıstrliginiń jumysy «salyqtardyń jınalýyn arttyrý» jobasy boıynsha bastamalardy qosa alǵanda, salyqtyq jáne kedendik ákimshilendirýdi sıfrlandyrýǵa jáne olardy yqpaldastyrýǵa negizdeledi» dedi Álıhan Smaıylov.