Aýa raıynyń nasharlaýy týraly der kezinde habar alǵanmen, kez kelgen adam qar qursaýynda qalýy múmkin.
Astanadaǵy kezekti qolaısyz aýa raıynda júrgizýshiler adamdardy tegin tasymaldap, kásipkerler óz mekemelerinde turǵyndardyń jylynýyna jaǵdaı jasaýda. Sonymen qatar, Astana qalasy TJD komıteti aýa raıy boljamdaryn muqııat qaraýǵa shaqyryp, birneshe usynymmen bólisti. О́ıtkeni ádette, bizdiń azamattarymyzdyń abaısyzdyǵy nemese qaýipsizdik sharalary jáne qysqy jaǵdaıda ózin-ózi qutqarý erejelerin bilmeýi materıaldyq shyǵyndarǵa jáne tipti adamdardyń qaza bolýyna ákep soqtyrýy múmkin.
Siz avtokólikte kele jatqanda jel turyp nemese boran soqsa, toqtaý kerek, turaqty belgilep, jarqyn tústi matany ilý kerek. Mashınany jalıýzımen tolyq jaýyp, radıator jaǵynan qozǵaltqyshty búrkeńiz. Mashınany jelge qaraı kapotpen ornalastyryńyz. Otyndy únemdeńiz, peshti úzdiksiz qospańyz. Ylǵal nemese qardyń túsý qaýpi kezinde esikterdiń birin únemi jaýyp turyńyz, salonnyń ishinde qamalyp qalmas úshin qardy jyljytyp, tazalap turyńyz. Eger sizdiń avtokóligińiz jolda sónip qalsa, úreılenbeńiz, jaǵdaıdy, baǵdarlardy, ornalasqan jerin, eldi mekenge deıingi qashyqtyqty jáne t.b mańyzdy belgilerdi jaqsylap qarap alyńyz. Júrýge sheshim qabyldaǵan jaǵdaıda trassany, asfaltty nazarda ustańyz.Esterińizge sala keteıik, "Qazgıdromettiń" aqparaty boıynsha, Astana aýmaǵynda 5 aqpannan bastap qar jaýyp, boran soǵady, soltústik-shyǵystan sekýndyna 15-20 metr jyldamdyqpen jel soǵady, 6-7 aqpanda túnde 37-39 gradýs aıaz bolady. Astana ákimi qala turǵyndaryn bir-birine muqııat bolýǵa, múmkindiginshe qatty aıaz kezinde jaıaý júrginshilerdi tasymaldaýǵa shaqyrdy.