17 aqpan qalany qardan tazalaýǵa 281 jumysker shyqty. Bul týraly Astana qalasy ákimdiginiń baspasóz qyzmeti habarlady.
Qalany qardan tazalaýǵa mamandandyrylǵan tehnıkanyń 620 birligi jumyldyryldy. «Qala syrtyna shyǵarylǵan qardyń jalpy kólemi 29 595 tekshe metrdi quraıdy. «Astana Tazalyq» qala syrtyna qardyń 12 965, ózge mekemeler 16 526, «Astana kógaldandyrý qurylysy» 104 tekshe metrin shyǵardy» delingen «Astana Tazalyq» JShS kompanııasynyń habarlamasynda. 16 qazan men 17 aqpan aralyǵynda shyǵarylǵan qardyń jalpy kólemi 1 955 330 tekshe metrdi quraıdy.
Bir táýlikte qum-tuz aralas qospanyń 70 tekshe metri, al 13 qazan men 14 aqpan aralyǵynda 20 774,5 tekshe metr jáne 21 qarashadan kóktaıǵaqqa qarsy reagenttiń 467,76 tonnasy sebildi.
Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha qalalyq iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady.