Bul týraly oblys ákiminiń mindetin atqarýshy Arhımed Muhambetov oblys turǵynadyr aldyndaǵy esep berýinde aıtty.
Qostanaı oblysynda óńdeý ónerkásibiniń shıkizat óndirýdiń aldyna túskenine biraz jyl boldy. Esepti jylda óńdeý salasy kásiporyndary 450,4 mlrd teńgeniń ónimderin óndirdi. Bul ásirese, mashına jasaý isimen tyǵyz bafılanysty.
Esepte jergiliktendirý jáne qazaqstandyq qamtymyn ulǵaıtý jóninen júıeli jumys júrgizilip jatqan mashına jasaýda ótken jyly 13,0% ósim qamtamasyz etilgendigi ataldy.
Mashına jasaý salasynda barlyǵy 113,5 mlrd teńgeniń ónimderi óndirildi. Negizinen jeńil avtomobılder qurastyrýdy 2,2 ese, júk avtomobılderin - 65,6%, kombaındar qurastyrýdy 70,2% ulǵaıtý arqasynda ósimge qol jetkizildi.
«2018 jyly 11 766 jeńil avtomobıl qurastyryldy, 2019 jylǵa arnalǵan josparda 25 myńnan astam avtomobıl qurastyrý kózdelgen bolatyn. Buǵan kóbine ótken jylǵy jeltoqsanda SMS (China National Machinery IMP. & EXP. CORP) avtomobılderiniń ımporty men eksporty boıynsha transulttyq qytaı memlekettik kompanııasynyń Allıýr Kompanııasy Tobynyń kapıtalyna enýi yqpal jasaıtyn bolady» dedi Arhımed Begejanuly.
Názıra Járimbet,
«Egemen Qazaqstan»
Qostanaı