О́tken jyly Almaty oblysyndaǵy demalys oryndary 721,4 myń týrıstke qyzmet kórsetken. Servıstik qyzmetten túsken tabys mólsheri 8,7 mlrd teńgeni qurady.
- Bul 2015 jylǵy kórsetkishpen salystyrǵanda 2 esege kóbeıgenin bildiredi. Jalpy, kórsetiletin qyzmet kólemi boıynsha Jetisý óńiri respýblıkalyq kólemniń 11 prosentin qurap, Astana men Almatydan keıin 3 orynda tur, - deıdi Almaty oblystyq týrızm basqarmasynyń basshysy Janar Alshymbaeva.
Aıtpaqshy, ǵalamtor qoldanýshylar arasynda da Jetisýdyń kórikti jerleri týraly aqparat izdeýshiler sany óskeni baıqaldy. Mysalǵa, ınternet jelisindegi tanymal izdeý júıeleri – Google, Iаndeks jáne Youtube vıdeohostıngindegi aqparat suraý boıynsha jasalǵan taldaý nátıjesi «Qazaqstandaǵy saıahat jasaýǵa qolaıly TOP-10 orynnyń» beseýi Almaty oblysynda ekenin kórsetti. Eń tanymal taqyryptar qatarynda Alakól jaǵajaıy, Sharyn shatqaly, Kólsaı pen Balqash kóli jáne Qaıyńdy kóli tur.
Qalmahanbet MUQAMETQALI,
«Egemen Qazaqstan»
Almaty oblysy