Qazirgi kezde aqparattyq tehnologııalar adam qyzmetiniń barlyq salalaryna enedi. Blokcheın tehnologııasyn salyq jınaý júıesinde qoldaný – tórtinshi ónerkásiptik revolıýsııanyń bir jańalyǵy. Jalpy, sandyq tehnologııalar salyq jáne keden salasyn damytýǵa zor serpin bermek.
Kókshetaý qalasynda Qazaqstan Respýblıkasy Qarjy mınıstrliginiń Memlekettik kirister komıteti Blokcheın tehnologııasy jáne qosylǵan qun salyǵynyń baqylaý shotyn paıdalanýmen QQS ákimshilendirý mehanızmin engizý máseleleri boıynsha semınar ótkizdi.
Semınar turǵyndardyń iri salyq tóleýshilerine, shaǵyn jáne orta bıznes ókilderi, qoǵamdyq birlestikter jáne basqa da uıymdar úshin arnaıy uıymdastyryldy. Osy semınar jumysyna Qazaqstan Respýblıkasy Memlekettik kirister Komıtettiń qyzmetkerleri, EShF AQ, «1S Reıtıng» JShS, IýNKTAD Birikken Ulttar Uıymy ókilderi, Aqmola jáne Soltústik Qazaqstan oblystarynyń salyq tóleýshileri qatysty.
Semınardy Aqmola oblysy boıynsha Memlekettik kirister departamentiniń basshysy Taýken Oshaqbaev ashyp semınardyń baǵdarlamasy jáne semınarǵa qatysýshylar - Qazaqstan Respýblıkasy Qarjy Mınıstrliginiń Memlekettik kirister komıtetiniń laýazymdy qyzmetkerleri, EShF AQ, «1S Reıtıng» JShS, IýNKTAD Birikken Ulttar Uıymy ókilderimen tanystyrdy.
Qazaqstan Respýblıkasy QM MKK О́tpeli monıtorıng basqarmasy basshysynyń orynbasary Saltanat Matkýlova «QQS baqylaý shotyn paıdalanýmen QQS engizý erekshelikteri» taqyrybyna sóz sóıledi. Ol salyq tóleýshilerge QQS ákimshilendirýdiń jańa ádisterimen jáne BLOCKCHAIN QQS AJ jumysynyń ssenarıımen tyńǵylyqty tanystyrdy.
«Open System Development» JShS bas taldaýshysy Irına Mıheeva «Elektrondyq shot-faktýra» aqparattyq júıesi jáne «Vırtýaldy qoıma» qyzmeti onyń ishinde, salyq tóleýshiler QQS baqylaý shotyn paıdalanǵanda taýarlardy esepke alýǵa qatysty aıtyp berdi.
Salyq tóleýshilerge «Vırtýaldy qoıma» elektrondyq júıesi jumysy týraly beıne rolık kórsetildi.
Budan keıin baǵdarlama boıynsha «1-S Reıtıng» JShS sarapshysy Vıktorııa Gýseva «1-S salyq tóleýshiniń esep júıesinde resimdeý: QQS baqylaý shotyn paıdalanýdaǵy býhgalterııa» taqyryby boıynsha sóz aldy.
IýNKTAD Birikken Ulttar Uıymy ofısiniń úılestirýshisi Úmitgúl Gýbasheva taýarlardy elektrondyq kedendik deklarasııalaý jáne «ASTANA-1» AJ-ne málimetterdi berý tártibine jan-jaqty toqtaldy. Bastapqy «ASTANA-1» AJ jumysy týraly aıtty, sondaı-aq, osy baǵdarlamanyń syrtqy ekonomıkalyq qyzmetke qatysýshalar, sondaı-aq, kedendik operasııalarmen aınalysatyn tulǵalar úshin de tıimdi ekendigin basa aıtty.
Qazaqstan Respýblıkasy Qarjy mınıstrligi Memlekettik kirister komıteti О́tpeli monıtorıng basqarmasynyń basshysy Ǵarıfolla Dosmaǵambetov «Ko`kshe» teleradıokompanııasyna óz suhbatynda Blokcheın tehnologııasyn engizýdiń negizgi erekshelikteri men artyqshylyqtaryn atap ótti.
Olardyń ishinde qosylǵan qun salyǵyn qaıtarý merzimin qysqartý, aldyn-ala deklarasııany avtomatty qalyptastyrý, tekserýlerdiń sanyn azaıtý, kóleńkeli shemalardy qoldanýǵa bóget jasaý jáne taǵy basqalar.
Semınar barysynda kelip túsken suraqtarǵa jan-jaqty jaýap berildi.