Úkimet otyrysynda Eńbek jáne halyqty áleýmettik qoldaý mınıstri B.Saparbaev ekinshi mindet retinde jumyskerlerdi qaýipsiz eńbek jaǵdaılarymen qamtamasyz etýdi atap aıtty.
Mınıstrdiń habarlamasyna sáıkes, 2018 jyly respýblıka kásiporyndarynda 1 568 adam zardap shekti, ol ótken jylǵy uqsas kezeńmen salystyrǵanda 6,6%-ǵa tómen.
«О́limmen aıaqtalǵan zardap shekkenderdiń sany 220 adamdy quraıdy, ol ótken jylǵy uqsas kezeńmen salystyrǵanda 9,2% tómen (2017j. – 244 adam). Memlekettik eńbek ınspektorlarynyń talaptary boıynsha jumys berýshiler 100 laýazymdy adamdy jumystan bosatty, 16 óndiris obektileriniń jumysyna tyıym salyndy.
Quqyq qorǵaý organdaryna 1400 materıal jiberildi, olar boıynsha 98 qylmystyq is qozǵaldy. Sonymen birge 2017 jylmen salystyrǵanda óndiristik jaraqattanýdyń ósimi Qaraǵandy 192 adamnan 224 adamǵa deıin) jáne Soltústik Qazaqstanda (56 adamnan 82 adamǵa deıin) oblysynda boldy», dedi Mınıstr.
B. Saparbaevtyń málimetinshe, ólimmen aıaqtalý jaǵdaılarynyń ósimi Aqmola (11 adamnan 17 adamǵa deıin), Almaty ( 8-den 13 adamǵa deıin) jáne Túrkistan (19-dan 24 adamǵa deıin) oblystarynda boldy.
Osy oraıda qaýipsiz eńbek jaǵdaıyn qurý boıynsha sharalardy kúsheıtý maqsatynda ákimdikterge mynadaı tapsyrmalar berdi.
1) óndiristik jaraqattanýdy jáne zııandy jáne qaýipti eńbek jaǵdaılary bar jumys oryndaryn azaıtý boıynsha óńirlik jol kartasyn qabyldaý;
2) óńirlerde árqaısysyna qatysty jaraqattanýdy boldyrmaý jónindegi is-sharalar josparyn ázirleýmen, óndiristik jaraqattanýdyń ósimine jol bergen jaraqattaný qaýpi bar kásiporyndardy belgileý;
3) Mınıstrliktiń jasaǵan bastamashylyǵy sheńberinde áleýmettik áriptestermen birlesip 2019 jyly «Qaýipsiz eńbek» uranymen aqparattyq kompanııanyń buqaralyq aqparat quraldaryn tarta otyryp, jumys berýshilermen, qaýipsiz eńbek jaǵdaılaryn qamtamasyz etý boıynsha kásipodaqtarmen aýqymdy túsindirý jumystaryn júrgizý qajet.