Qazaqstandyq kásipqoı boksshy Jánibek Álimhanuly 12 sáýirde AQSh-tyń Los-Andjeles qalasynda óziniń kezekti jekpe-jegin ótkizetini jaıynda biz buǵan deıin de habarlaǵanbyz.
Dál qazir Amerıkadan qýanyshty habar jetti. Qandasymyz Los-Andjelestegi boks keshinde eki birdeı belbeý úshin talasady. Olar – WBO Global jáne WBC Continental Americas. Meksıkalyq Krıstıan Ollıvasqa qarsy básekede biz Jánibekke sáttilik tileımiz.
Qazirgi kezde AQSh-tyń San-Dıego qalasynda turyp jatqan 27 jastaǵy meksıkalyq boksshy kásipqoı rıngte biraz tájirıbesi jıyp úlgerdi. Ol 20 kezdesý ótkizip, 16 ret jeńiske jetti. 13 qarsylasyn esinen tandyrdy. О́zi birde-bir ret merziminen buryn utylǵan emes.
Áýesqoı rıngte jasyndaı jarqyryp, álem jáne Azııa chempıony, Azııa oıyndarynyń jeńimpazy atanǵan 25 jastaǵy Jánibek Álimhanuly kásipqoılar arasynda da biraz bedel jıdy. Kúni búginge deıin qazaq jigiti bes márte sharshy alańǵa kóterilip, barlyq kezdesýinde jeńiske jetti.
Ǵalym SÚLEIMEN,
«Egemen Qazaqstan»