Álemge tanymal qazaqstandyq boksshy Gennadıı Golovkın Nursultan Nazarbaevqa alǵys aıtty. Bul týraly ol óziniń Instagram paraqshasynda jazdy.
«Qazaqstandyq jáne óz elimniń patrıoty retinde Tuńǵysh Prezıdentimizge alǵys aıtqym keledi. Eń aldymen, Táýelsiz memleket úshin rahmet. Bizdiń óz týymyz, óz eltańbamyz ben ánuranymyz bar. Bizdiń maqtanyshpen jáne mahabbatpen aıtatyn kóp ultty Qazaqstanymyz bar. Rahmet sizge, Nursultan Ábishuly! Sizge zor densaýlyq, al elimizge gúldený men amandyq-saýlyq tileımin» dep jazdy boksshy Instagram jelisinde.