Fılologııa ǵylymdarynyń doktory, professor Kabıdash Qalıasqaruly Elbasynyń qabyldaǵan sheshimine qatysty pikir bildirdi.
Elimizdiń Tuńǵysh Prezıdenti Nursultan Nazarbaev qazirgi Qazaqstannyń kórkeıýine eren eńbek sińirgen tulǵa. Ásirese memleket qurýshy ult – qazaq halqynyń jańa beınesin qalyptastyrý jolynda atqarǵan keleli isi – álemde tarydaı shashyrap júrgen qazaqty atamekenine shaqyrýy. Sonyń bir dáleli retinde aıtarym, 1991 jyldyń 16 jeltoqsanynda elimiz táýelsizdigin jarııalaı salysymen, arada 24 kún ótken soń, ıaǵnı 1992 jyly 10 qańtar kúni sheteldegi qazaqtarǵa qaratyp «Atamekenge qaıtyńdar» degen úndeý tastady. Osy tarıhı sheshimniń arqasynda syrtta júrgen júz myńdaǵan qandas elge oraldy. Solardyń biri menmin. 1992 jyly Mońǵolııa elinen kóship keldim.
Elbasy áýeli álem qazaqtarynyń basyn qosqan kemel tulǵa retinde ult tarıhynyń jańa paraǵyn ashty. «Quıylsyn kóshiń, jıylsyn esiń...» dep ózi aıtqanyndaı, saıyn dala Saryarqaǵa, jelegi jasyl Jetisýǵa, myń boıaýly Mańǵystaýǵa, munaıly meken Atyraýǵa jan-jaqtan seldeı aǵylyp, qazaqtyń kóshi qulady.
Qudaıa shúkir, bul – birneshe ǵasyrda bir bolatyn biregeı qubylys. Bar qazaqtyń basyn qosqan ardaqty aǵa aman bolsyn. Nurekeńniń baıandy joly buzylmasyn!