Qazaqstan kún energetıkasy qaýymdastyǵy» men ıspandyq kásiporyn «Risen Energy Spain S.L.U» arasyndaǵy ózara yntymaqtastyq týraly memorandýmǵa qol qoıý boldy.
Qol qoıylǵan kelisimge sáıkes, ıspandyq kompanııa qaýymdastyq múshelerimen jańartylatyn energııa salasynda jınaqtaǵan bilimimen, ozyq tájirıbesimen almasýda kómek kórsetýge daıyn, Qaýymdastyq óz tarapynan «Risen Energy Spain» kásipornyna Qazaqstan Respýblıkasynyń jańartylatyn energııa naryǵyna kirýine kómektesýge daıyn.
Delegasııany QR Syrtqy ister vıse-mınıstri Ermek Kósherbaev basqardy, onyń negizgi uıymdastyrýshysy Qazaqstan Respýblıkasynyń Ispanııadaǵy Elshiliginiń qoldaýymen «Kazakh Invest» Ulttyq kompanııasy» AQ boldy. Forýmdy uıymdastyrýda ıspandyq taraptan Ispanııanyń kásipkerlik uıymdar konfederasııasy men Ispanııanyń Saýda palatasy kómek kórsetti.
Forýmnyń negizgi mindeti ınfraqurylym, logıstıka, sandyq júıege kóshirý jáne telebaılanys, sondaı-aq jasyl energetıka sııaqty ekonomıkanyń basym salalaryna tikeleı sheteldik ınvestısııalardy keńeıtý úshin Qazaqstannyń ınvestısııalyq klımaty men áleýetin usyný boldy.
Qazaqstandyq ýákiletti memlekettik qurylymdardyń ókilderi ıspandyq bıznes-aýdıtorııaǵa Qazaqstan ekonomıkasyna ınvestısııalyq múmkindikterdiń ózekti jaǵdaıyn jáne ınvestorlardy memlekettik qoldaýdyń qoldanystaǵy quraldaryn usyndy, al bıznes-qaýymdastyq ókilderi ózderiniń tabysty iske asyrylǵan keıstaryn jáne ınvestorlardyń qatysýyna daıyn jobalaryn tanystyrdy.
Forýmnyń eki kúndik mazmundy baǵdarlamasy qazaqstandyq delegasııa múshelerine eki jaqty tıimdi kezdesýler ótkizý múmkindigin berdi. 100-den astam áleýetti kompanııa- ınvestorlar tikeleı syndarly suhbattarǵa qatysty. Kezdesýler qatysýshylarynyń qataryna quramyna eldiń JIО́-niń 20% -nan astamyn jáne shet elge bólingen ınvestısııalardyń 50%-yn usynatyn ıspandyq iri kompanııalar men bankterdi qamtıtyn Ispandyq eksportshylar men ınvestorlar klýbynyń músheleri kirdi. Gúlbarshyn SABAEVA,
«Eqemen Qazaqstan»
ALMATY