Bul kúnderi AQSh-tyń Maıamı qalasynda júlde qory 9 314 875 dollardy quraǵan halyqaralyq týrnır ótýde. Osy jarysta Qazaqstannyń úsh tennısshisi baq synaǵan edi.
О́kinishke qaraı, Mıhaıl Kýkýshkınniń joly bolmady. Ol álemdik reıtıngte ózinen 36 saty tómen turǵan argentınalyq Gıdo Andreossıden aılasyn asyra almady – 6:7, 4:6. Osy týrnırge irikteý synynan ótý arqyly qatysqan Aleksandr Býblık tusaýkeser kezdesýinde ATR tiziminde ózinen 40 saty joǵary turǵan amerıkalyq Tennıs Sandgrenge san soqtyrdy – 5:7, 6:4, 7:6. Endi jerlesimiz álemniń 33 raketkasy avstralııalyq Nık Kırospen kúsh synasady.
Áıelder saıysynda álemniń 44 raketkasy Iýlııa Pýtınseva ekinshi kezeńge ótti. Bastapqy básekede ol WTA tiziminde 55 orynda turǵan belgııalyq Kırsten Flıpkensten basym tústi – 4:6, 6:4, 7:5. Osy kezdesý barysynda tóreshiniń sheshimimen kelispegen otandasymyz biraz janjal shyǵardy. Raketkany syndyryp, bas kıimin laqtyryp, qazyny balaǵattady. Endi osy áreketi úshin oǵan aıyp salynýy múmkin. Ekinshi aınalymda Pýtınseva álemniń 20 raketkasy shveısarııalyq Belında Benchıchpen sheberlik baıqasady.
Ǵalym SÚLEIMEN,
«Egemen Qazaqstan»