Japonııada jumys saparymen júrgen Májilis Tóraǵasynyń orynbasary Gúlmıra Isımbaeva Japonııa Parlamenti Keńesshiler Palatasynyń Spıkeri Chýıchı Datemen kezdesti.
Áńgimelesý barysynda taraptar eki el arasyndaǵy yntymaqtastyqty nyǵaıtý máselelerin talqylap, parlamentaralyq ózara is-qımyldyń ózekti máseleleri týraly pikir almasty.
Kezdesýde Gúlmıra Isımbaeva Keńesshiler Palatasynyń Tóraǵasyna osy jyldyń 23-24 qyrkúıegi aralyǵynda Nur-Sultan qalasynda ótetin Eýrazııa elderiniń parlamentteri spıkerleri IV otyrysyna qatysý úshin resmı shaqyrý hatyn tabys etti.
О́z kezeginde Chýıchı Date Japonııa Qazaqstanmen jan-jaqty yntymaqtastyqty damytýǵa úlken mán berip otyrǵanyn atap ótip, 2016 jyly Japonııa Parlamenti qos palatasynyń depýtattary aldynda Qazaqstan Respýblıkasynyń Tuńǵysh Prezıdenti Nursultan Nazarbaevtyń jasaǵan tarıhı baıandamasyna nazar aýdardy.
Sonymen qatar Japonııa Parlamentiniń depýtaty Elbasy Nursultan Nazarbaevtyń óz elin jańǵyrtý jolynda tabysty jetistikterge qol jetkizgen halqynyń shynaıy kóshbasshysy ekenine toqtaldy.
Chýıchı Date jańa Prezıdent Qasym-Jomart Toqaevtyń basshylyǵymen Qazaqstannyń odan ári damı beretinine senim bildirdi.