Oǵan tıispeı, baltanyń júzi emes, aıalyq alaqan jaıyla bilse, bul taldar men terekter áli de talaıdy tamsandyrary talassyz. Áıtse de bıyl sý tasqynynyń aldyn alý jáne odan qorǵaný jumystaryn uıymdastyrý deen jeleýmen Elek pen Qarǵaly ózenderiniń jaǵalaýyndaǵy taldardy jappaı kesý kórinisteri oryn aldy. Buǵan qalaısha qynjylmasqa? Bul jaǵymsyz jaıt turǵyndardyń oryndy ókpe-renishteri men narazylyǵyn týǵyzdy. О́ıtkeni taly qyrqylǵan ózen aınalasy aıanyshty kúıge túspeı me? Árıne bul úshin bar kináni ózenderdiń tabanyn tazartý jumystaryn júrgizgen «Spesstroı» JShS men «Pavlodar ózen porty» AQ-nyń jetekshileri men mamandaryna artýǵa da bolmas. Sebebi olarǵa o basta berilgen tapsyrma aıasynda taldardy kesýge de nusqaý berilgen syńaıly. Aıtalyq Aqtóbe oblysy ákiminiń orynbasary Mavr Abdýllınniń aıtýynsha ózenniń ortasy men odan bergi tustarynda sýdyń aǵysyna kedergi keltiretin qamys, shı, buta sekildi ósimdikterdi tazartýǵa bolady. Iаǵnı kóktemgi kezeńde ózen ortasynda eshteńe bolmaýǵa tıis. Al jaǵalaýdaǵy aǵashtar ózen sýyna paıdasyn tıgizbese, kedergisin keltirmeıdi. Bul –tabıǵattyń baǵa jetpes sheksiz syıy. Atalǵan kompanııalar máseleniń osy jaǵyn eskermegen. Onyń bul oıly oı-pikirin quptaýǵa da, qoldaýǵa da laıyqty dep bilemiz.
Sondaı-aq «medaldyń eki jaǵy bar» degendeı ózenderdiń jaǵalaýyn keńeıtý kezinde taldardy eriksiz kesýge týra keletin jaǵdaılar da ushyrasyp turatyny –tabıǵı jáıt. Mysaly qazirgi kezde óńirde úlkendi-kishili 8 ózenniń jaǵasyn keńeıtý kózdelgen. Bul tizimniń ushar basynda Qarǵaly ózeni tur. Onyń keńeıtý aýmaǵy 100 metrdi quraıdy. Atalǵan jobany almatylyq «ANTARES PLATINUM» kompanııasy qolǵa alypty. Atalǵan kompanııanyń óńirdegi ókili Dmıtrıı Petrakovtyń aıtýynsha joba boıynsha 600 tekshe metr tal kesý josparlanypty. Alaıda ózara áńgime arasynda onyń qazirgi kúni qansha tal kesilgenin anyq bilmeıtini de ańǵarylyp qaldy. Mundaı jaǵdaıda orman qory aýmaǵyna qaraıtyn tal-terekterge orynsyz nuqsan kelýi de ábden múmkin. «Toqal eshki saqal suraımyn dep, múıizinen aıyrylypty» osyndaıda aıtsa kerek.
Álbette búgingi áńgimemizdiń basty arqaýy joǵaryda aıtylǵandaı sý tasqynynan qorǵaý degen saqtyq sharalaryn alǵa tartyp, Elek pen Qarǵaly ózenderiniń jaǵalaýyndaǵy tal-terekterdiń orynsyz qyrqylýynan týyndaǵany belgili. Sóz sońynda bul keleńsiz kóriniske Aqtóbe oblysynyń ákimi Ońdasyn Orazalınniń nusqaýyna sáıkes tıym salynǵanyn aıtqymyz keledi. Osylaısha qazirgi kúni Elek pen Qarǵaly ózenderi jaǵasyndaǵy taldardy kesý toqtatyldy. Árıne bul durys, oń sheshim ekeni anyq. Áıtse de mundaı áreketke o basta jol berilmegen jaǵdaıda paıdamyz ben upaıymyz budan da joǵary bolar edi aý degen oı qaldy kókeıde.
AQTО́BE