Negizgi maqsat jeke quramnyń mashyǵyn, vzvodtardyń, rotalardyń, quramalar men bólimder batalondary basqarmalarynyń jaýyngerlik daıarlyǵynyń shynaıy deńgeıin jan-jaqty tekserý, sondaı-aq bólimsheler men olardyń basqarý organdarynyń jaýyngerlik daıarlyǵy men úılesimdiligi deńgeıin baǵalaý, jaýyngerlik daıarlyq josparlary men baǵdarlamalarynyń oryndalýyna baǵa berý.
Qorǵanys mınıstrliginiń arnaıy keshendi komıssııalary Aqtóbe, Aqtaý jáne Atyraý garnızondarynda sáýir aıynda jumys jasaıdy. Tekseriletin pánder qatarynda atys, taktıkalyq, arnaı daıarlyq, jaýyngerlik mashınalardy júrgizý, ınjenerlik, dene jáne saptyq daıarlyq. Komıssııa sondaı-aq baǵynysty quramalarda jaýyngerlik daıarlyqty basshylyqqa alý jóninde laýazymdy adamdardyń jumysynyń uıymdastyrylý júıesin, sondaı-aq qarý men oq-dárilerdi paıdalaný kezinde qaýipsizdik sharalarynyń saqtalýy máselelerin tekseredi.
- Árbir áskerı qyzmetshige jeke dara tártipte jáne bólimsheler quramynda teorııa júzinde ǵana emes, sonymen birge, praktıka júzinde emtıhan tapsyrýǵa týra keledi. Oqytý pánderi boıynsha baqylaý sabaqtary bólimderdiń udaıy ornalasý pýnktterinde jáne oqý-jattyǵý ortalyqtary men polıgondarda ótýde, deıdi kapıtan R.Igısınov.