Konferensııa barysynda «Baqytty otbasy», «Halyqqa kómek», «Aýyl – el besigi» jáne «Qutty meken» ulttyq jobalarynyń júzege asyrylýy jaıly talqylandy.
Jalpy, bul jalpyulttyq jobalardy Elbasy Nursultan Nazarbaev partııanyń kezekti XVIII sezinde anyqtap bergen áleýmettik basymdyqtar.
Jobalardyń maqsaty–halyqty alańdatqan ózekti máselelerdi sheshýge partııa tarapynan úles qosý.
Partııa oblystyq fılıalynyń tóraǵasy, oblys ákimi Bolat Baqaýov aıtyp ótkendeı, sondyqtan-«Halyqqa kómek» jobasy turǵyndardyń kúndelikti turmys jaǵdaılaryna nazar aýdarý, qoldaý , kómektesý.
Árbir partııa múshesine atalǵan jobalardyń mańyzdylyǵyn túsinip, olardy júzege asyrýǵa belsendi atsalysýdy tapsyrdy.
– Bul kúnderi óńirdegi barlyq qoǵamdyq qabyldaý bólmelerinde 14 áleýmettik tereze ashyldy. Sol arqyly azamattar kez kelgen suraǵyn joldaı alady. Osy kúnge deıin 673 ótinish kelip tústi. Qazir 67 ótinish sheshimin tapty,-dedi fılıal tóraǵasynyń birinshi orynbasary Nıkolaı Dychko.
Sonymen birge, «Baqytty otbasy» partııalyq jobasy barysynda az qamtamasyz etilgenn jáne kópbalaly otbasylardy qoldaý úshin 3,3 mlrd teńge qarastyrylǵan.
Osy otbasylardyń balalaryn balabaqshalarǵa ornalastyryp, aparý úshin 391,8 mıllıon teńge, oqýshylardy mektepterde tegin tamaqtandyrýǵa 824 teńge, al balalardyń jazǵy lagerlerde demalýy maqsatynda 305 mıllıon teńge bólinýde.
Sonymen birge, oblys ákimi elimizdegi alda kele jatqan mańyzdy ýaqyt prezıdenttik saılaý jóninde aıtyp ótti.
- Memleket basshysy Qasym-Jomart Toqaev 9 maýsymda kezekten tys prezıdenttik saılaý ótetinin málimdedi, - dedi Bolat Baqaýov.
–Bizder osy saıası sharada ishki jáne syrtqy saıasatymyzdyń turaqtylyǵyn tanytýymyz qajet. Elbasynyń áleýmettik baǵdarlamalaryn júzege asyrýdy jalǵastyrýymyz qajet.
Konferensııa sońynda 23 sáýirde Nur-Sultanda ótetin «Nur Otan» partııasynyń HIH kezekten tys sezine 35 partııa múshesi baratyn boldy.