Úkimet basshysynyń orynbasary mysty qaladaǵy quramyna 300 oryndyq stasıonar men bir aýysymda 800-ge jýyq adamdy qabyldaı alatyn emhana enetin medısınalyq ortalyqta bolyp, emdeý mekemesiniń tynys-tirshiligimen tanysty.
Budan keıin Gúlshara Ábdihalyqova qalalyq jumyspen qamtý ortalyǵynda boldy. О́tken jyly atalǵan ortalyqtyń kómegimen Jezqazǵan qalasynda 2728 adam jumysqa ornalasqan. Qysqa merzimdi kásiptik oqýlarǵa 243 adam jiberilse, «Bastaý-Bıznes» jobasy aıasynda 100 adam kásipkerlik boıynsha bilim alyp jatyr.
– Jezqazǵanda 1,5 myńnan astam kópbalaly otbasy bar. Olardyń 300-i áleýmettik az qamtylǵandar sanatyna jatady. Qazir qalada jańa erejeler boıynsha ataýly áleýmettik kómekti berýge ázirlik jumystary júrip jatyr, – dep atap ótti Premer-Mınıstrdiń orynbasary.
Jumys sapary barysynda úkimettik top músheleri, sondaı-aq, Jezqazǵandaǵy «Ertóstik» bóbekjaıynyń jáne mektep oqýshylary baǵdarlamalaý men robot tehnıkasy boıynsha bilim alatyn «IT TECHNOLOGY FOR YOU» bilim ortalyǵynyń jumysymen tanysty.
Budan keıin vıse-premer Jezqazǵanda azamattardy jeke máseleleri boıynsha qabyldady. Sonan soń Gúlshara Ábdihalyqova Jezqazǵan, Sátbaev, Qarajal qalalarynyń jáne Jańaarqa men Ulytaý aýdandary ákimderiniń, Jezqazǵan óńiriniń iri kásiporyn, bıznes qurylymdar men kásipodaq uıymdary jetekshileriniń qatysýymen ótken jıynǵa qatysty.
Premer-Mınıstrdiń orynbasary bastaǵan úkimettik toptyń Qaraǵandy oblysyna jumys sapary eki kúnge sozylady.
Qaraǵandy oblysy