Bıyl tórtinshi maýsysyn bastaǵan «Bala daýysy» balalar án festıvali mańǵystaýlyq balalar arasynda óz irikteýin jasady.
Almaty, Taraz, Shymkent, Túrkistan, Qyzylorda, Aqtóbe jáne Oral qalalaryndaǵy ótinish bildirgen 1502 talantty balalar arasynan óz tańdaýyn jasap, Aqtaýǵa qadam basqan irikteýshi ónerpazdardyń aldynda 132 bala ónerlerin ortaǵa saldy.
Án baıqaýynda jeńimpaz ataný qýanyshy Aqtaý qalasyndaǵy №13 mekteptiń oqýshysy 11 jasar Qarjaýbaeva Dılıaraǵa buıyrdy. Ol qazaq, orys jáne aǵylshyn tilderinde ánderdi minsiz oryndap, qazylardyń nazaryna birden ilikti. Endi ol uıymdastyrýshylar tarapynan jasalǵan múmkindik aıasynda vokal, horeografııa jáne ártistik qabiletin arttyratyn sabaqtarǵa qatysyp, kúzde Almatyda ótetin aqtyq kezeńde Mańǵystaýdyń namysyn qorǵaıtyn bolady.
Mańǵystaý oblysy