- 2006 jyldan bastaýyn alǵan shara bıyl halyq jazýshysy Á.Kekilbaıuly men aqyn F.Ońǵarsynovanyń 80 jyldyq mereıtoılary aıasynda ótedi. Festıval alǵa qoıǵan maqsattaryn tolyq atqaryp keledi. Atap aıtsaq, osy jyldar ishinde aýyldardaǵy mádenıet oshaqtarynyń materıaldyq-tehnıkalyq jaǵdaıyna jan kirip, el arasynan talantty júzdegen ónerpazdar anyqtaldy. Dástúrli óner dodasynyń ár maýsymynda jurtshylyqqa beımálim bolyp kelgen 100-ge jýyq jańa esimderdiń, ujymdardyń tusaýy kesiledi. Festıvaldiń bas júldesine jyl saıyn oblys ákimi avtokólik syıǵa tartyp, jeńimpaz aýdan-qalalarǵa 17 avtokóliktiń kilti tabystalǵan. Osylaısha mádenıet oshaqtarynyń materıaldyq-tehnıkalyq bazasynyń nyǵaıýyna úlken úles qosýda. Aıta ketetin bolsaq, 2007, 2009, 2011, 2013 jyldary júldegerler kóshin Mańǵystaý aýdany bastasa, 2006, 2010, 2013 jyldary Túpqaraǵan aýdany jeńimpaz atanǵan. Osy kóshti 2010, 2012, 2017 jyldary Jańaózen qalasy jalǵastyrady. Al Munaıly (2008 j) men Qaraqııa (2011 j) aýdandary úzdik dep tanylsa, Aqtaý qalasy 2007, 2012 jyldyń júldegerleri atanǵan. Elbasynyń «Bolashaqqa baǵdar: Rýhanı jańǵyrý», «Uly dalanyń jeti qyry» baǵdarlamalyq maqalalarynda kórsetilgen tapsyrmalardy júzege asyrý maqsatynda, sondaı-aq «Jastar jyly», Súgir jyraý Begendikulynyń 125 jyldyǵy, Halyq jazýshy Ábish Kekilbaıuly men aqyn Farıza Ońǵarsynovanyń 80 jyldyq mereıtoılary aıasynda «Mańǵystaý juldyzdary» óner festıvali bıyl XI ret «Jetistikke jeteleıtin jeti qyr» degen atpen uıymdastyrylyp otyr. Festıvalge 15 jastan joǵary túrli salada qyzmet etetin, sondaı-aq arnaýly jáne orta oqý oryndaryndaǵy kórkemónerpazdar qatysa alady. Dástúrli túrde ótip kele jatqan sharanyń eń negizgi maqsaty – óskeleń urpaqty ónerge baýlý, shyǵarmashylyq qabiletterin damytyp, jas daryndardy anyqtaý. 9 atalym boıynsha baqtaryn synaıtyn ónerpazdardyń ónerin kásibı mamandardan iriktelgen qazylar alqasy saralaıtyn bolady, dedi Mańǵystaý oblystyq mádenıet basqarmasynyń bólim basshysy Jemis Erjigitova.
Festıvalge qatysý úshin shalǵaı aýyldardaǵy ónerpazdar da belsendilik tanytýda. Aýdandarda Vokaldy aspaptar ansambli qaıta jandansa, Ult-aspaptar orkestri turaqtalǵan. Qazirgi tańda T.Júrgenov atyndaǵy óner ınstıtýtynda, Qurmanǵazy atyndaǵy ulttyq konservatorııada jáne Batys Qazaqstan oblysyndaǵy M.О́temisuly atyndaǵy ýnıversıtetinde jeńip alǵan granttary boıynsha 25- ke tarta jas bilim alýda. Halyqtyń dástúrin, saltyn, áýenin, maqamyn joǵaltpaı el mádenıetiniń damýyna úles qosyp kele jatqan festıval jyl saıyn joǵary deńgeıde ótýde.
Bıylǵy sharanyń basty ereksheligi – qatysýshylar, «Kórkemsóz oqý» atalymy boıynsha Á.Kekilbaıulynyń prozalary men F.Ońǵarsynovanyń shyǵarmalarynan úzindi oqıtyn bolady. Bul degenimiz - uly tulǵalarymyzdyń 80 jyldyq mereıtoıyna oraı uıymdastyrylyp, olardyń shyǵarmashylyǵyn óskeleń urpaqqa nasıhattaý bolyp tabylady.
Festıval jyl saıyn oblys ortalyǵy Aqtaý qalasynda jeńimpazdardyń gala konserti jáne marapattaýmen qorytyndylanady. Mańǵystaý oblysy ákimdiginiń qoldaýymen ótetin sharanyń bas júldesine osy joly da avtokólik syıǵa beriletin bolady.
Mańǵystaý oblysy