Baspasóz máslıhatyna Qazaqstandaǵy vaksınologııa salasynyń belgili ǵalymdary men mamandary qatysty.
Qandaı da bolmasyn áleýmettik jáne medısınalyq is sharalardy baǵalaý barysynda onyń qoǵamdyq densaýlyq salasyna, sonymen qatar memlekettiń demografııalyq kórsetkishterine tıgizetin áseri eskeriledi.
Dúnıejúzilik densaýlyq saqtaý uıymynyń málimdeýinshe, vaksınasııa jyl saıyn 2,5 mıllıon adamdy aýrý-syrqaý men ólim-jitimnen arashalaıdy. Jer sharynda 14 vaksınamen basqarylatyn juqpaǵa qarsy egý sharalaryn qajetti 95% deıin qamtyǵan jaǵdaıda taǵy da 2 mıllıon balanyń ómirin alyp qalýǵa bolady eken.
Qazaqstannnyń Ulttyq egý kestesi aıasynda jyl saıyn 5 mıllıon adam, onyń ishinde 1,3 mıllıon bala 21 juqpaǵa qarsy egýmen qamtylady, onyń ishinde bir bóligi ıaǵnı A vırýsty gepatıtke, tumaýǵa, týlıaremııa jáne sibir jarasyna qarsy vaksınalar jergilikti bıýdjet aıasynda qamtamasyz etiledi.
Respýblıkalyq bıýdjetten jyl saıyn shamamen 27 mıllıon qarajat osy maqsatqa jumsalady.
– Egý kestesi barlyq memleketterde bar jáne balalar perzenthanalardan bastap egýmen qamtamasyz etiledi, onyń ishinde epıdemıologııalyq ahýalǵa baılanysty V gepatıtine, týberkýlez ben sal aýrýyna qarsy vaksına alady. Memleketimizde epıdemıologııalyq ahýaldyń jaqsarýyna baılanysty perzenthanada jasalatyn polıomıelıtke qarsy egý jumystary 2008 jyldan bastap bala 12-15 aıǵa tolǵanda jasalynatyn boldy. Al endi epıdemıologııalyq ahýaly áli de nashar Nıgerııa, Pákstan men Aýǵanstan elderinde jaǵdaı túzelgennen keıin, búkil álem qara sheshek ekpesinen bas tartqan sııaqty, polıomıelıt aýrýyna qarsy egýden bas tartý sharalary birtindep júrgiziledi, deıdi SEEjM ǴPO fılıalynyń juqpaly aýrýlardy aldyn alý basqarmasynyń bastyǵy Manar Smaǵul.