Birikken Arab Ámirlikteriniń Fýdjeıra qalasynda dzıýdodan Azııa chempıonaty aıaqtaldy. Sońǵy jarys kúninde Qazaqstan Qytaıǵa jol berip, aralas komandalyq synda besinshi orynǵa turaqtady dep jazady Olympic.kz.
Eki komanda arasyndaǵy kezdesý 2:4 esebimen qytaılyq dzıýdoshylardyń jeńisimen aıaqtaldy.
Aıta ketelik, Azııa birinshiliginde Qazaqstan jalpy esebi alty medal jeńip aldy. Erlan Serikjanov 66 keli kórsetkishinde chempıon atansa, Eldos Jumaqanov kúmiske qol jetkizdi. Sondaı-aq, 48 kelidegi Galbadrah Otgonseseg te kúmis júldeger qatarynda.
Sevara Nıshanbaeva (57 keli), Ǵusman Qyrǵyzbaev (60 keli) jáne Islam Bozbaevtar (90 keli) qurlyq dodasynyń qola medaline ıelik etti.