Katar astanasy Dohada ótip jatqan jeńil atletıkadan Azııa chempıonatynda áıelder arasyndaǵy estafeta aıaqtaldy. Bul týraly Ulttyq olımpıada komıtetiniń baspasóz qyzmeti habarlady.
Qazaqstan komandasy atalǵan synda kúmis júldeger atandy. El namysyn Elına Mıhına, Olga Safronova, Svetlana Golendova men Rıma Kashafýtdınova qorǵaǵan bolatyn. Bizdiń komanda 400 metrdi 43.36 sekýndta júgirip ótti.
Qyzdar arasyndaǵy estafetada Qytaı quramasy jeńiske jetti.
Sondaı-aq, estafetashylardyń izin ala Nadejda Dýbovıskaıa bıiktikke sekirýden ekinshi oryn ıelendi. Ol 1.88 metrdi baǵyndyryp, ózbekstandyq atletke jol berdi.
Aıta ketelik, Olga Safronova 100 metrge júgirýden Azııanyń altyn medalin taǵyndy. Elına Mıhına (400 metr) kúmis, Mıhaıl Lıtvın (400 metr), Margarıta Mýkasheva (800 metr), Ivan Ivanov (ıadro laqtyrý) júldegerler qatarynda.