«Biziń mamandardyń aıtýynsha, jańa tehnologııa sýdy zalalsyzdandyrýdy jaqsartady jáne onyń sapasyn da kóteredi» deıdi «Qostanaı Sý» kásiporynnyń baspasóz hatshysy Saltanat Áıtenova. Jańa stansııa «Qostanaı Sý» kásipornynyń aýmaǵyna ornalasqan. Bul joba Eýropa qaıta qurý jáne damý bankimen yntymaqtasý jumystary aıasynda engizildi. Quny jylyna 630 mıllıon teńgege túsedi. Qazir stansııany qurýdyń sońǵy jumystary júrip jatyr. Mamandar birneshe synaqtar ótkizip, nátıjesine kóńili tolyp otyr. Mamyr aıynda stansııa tolyq qýatynda iske kirisetin bolady.
Jańa tehnologııanyń artyqshylyqtary kóp. Buryn hlor ballondarmen jetkiziletin. Onyń qaýiptiligi bolǵandyqtan, ony saqtaý da qıyndyqtar týǵyzatyn. Turǵyndar hlormen óńdelgen sýdyń dámine shaǵymdar aıtatyn. Gıpohlorıtpen óńdelgen aýyz sýda osyndaı kemshilikterdiń eshqaısysy bolmaıtynyna mamandar bás tigedi. Stansııanyń qýaty kúshti, búkil qalany sapaly aýyz sýmen qamtamasyz etedi, kúnine 500 kılogramm ómir nári óńdeletin bolady.
Qostanaı