Oqys oqıǵa Taıynsha aýdanynda oryn alǵan.
Mektep ǵımaratyna japsarlas salynǵan nysan opyrylyp túsip, qırandylarr astynda qalǵan. Oblystyq tótenshe jaǵdaılar departamenti taratqan málimetke qaraǵanda 24 sáýir kúni jurt shyrt uıqyda jatqanda Taıynsha kentindegi №1 orta mektep ǵımaratyna japsarlas salynǵan nysannyń syrtqa shyǵýǵa arnalǵan aýmaǵynyń 50 sharshy metri opyrylyp túsken. Aldyn ala boljamdar boıynsha ǵımarattyń tegis ornyqpaýy saldarynan jaryqshaqtar paıda bolyp, onyń sońy apatty jaǵdaıdyń oryn alýyna ulasqan.
Abyroı bolǵanda zardap shekkender men qaza tapqandar joq. Jáne de mekteptiń kommýnıkasııalyq júıesi búlingen joq.
Bilim ordasynda sabaq ýaqytsha toqtatylyp, jóndeý jumystary júrgizilýde.